Вы тут

Успышкі афрыканскай чумы свіней


Са жніўня гэтага года ў кітайскіх правінцыях Ляанін, Хэнань, Цзянсу, Чжэцзян і Аньхой былі зафіксаваны ўспышкі афрыканскай чумы свіней.  Эпідэмічнае распаўсюджванне гэтай небяспечнай віруснай хваробы назіраецца ў Кітаі ўпершыню, перадае "Жэньмінь жыбаа" анлайн".


Афіцыйны прадстаўнік Міністэрства сельскай гаспадаркі і сельскіх спраў КНР Гуан Дэфу заявіў, што нягледзячы на ​​вялікую складанасць сітуацыі з распаўсюджваннем афрыканскай чумы свіней і цяжкасць яе прафілактыкі, эпідэміялагічная сітуацыя ў Кітаі ў цэлым кантралюемая.

 Па словах Гуан Дэфу, не толькі ў Кітаі ў гэтым годзе зафіксавана ўспышка афрыканскай чумы свіней.  Паводле інфармацыі на канец жніўня, у 11 краінах зарэгістравана 3235 выпадкаў ўспышкі эпідэміі.  У сувязі з тым, што ў суседніх з Кітаем дзяржавах назіраецца буйнамаштабнае распаўсюджванне гэтай хваробы, не выключана магчымасць яе паўторнага пранікнення на тэрыторыю КНР.

 У правінцыях Ляанін, Хэнань, Цзянсу і Чжэцзян завершана асноўная праца па лакалізацыі эпідэміі, у выніку было забіта 37,2 тысячы жывёл.  Ва ўсе пацярпелыя ад эпідэміі раёны Міністэрства сельскай гаспадаркі і сельскіх спраў накіравала рабочыя групы, якія аказваюць мясцовым уладам садзейнічанне ў разгортванні мер экстранага рэагавання.

 Гуан Дэфу запэўніў, што міністэрства будзе прыкладаць далейшыя намаганні па кантролі над эпідэміяй, уключна з увядзеннем ўзмацнення  жорсткасці кантролю за транспарціроўкай свіней, узмацненнем маніторынгу ў памежных раёнах, на памежных пераходах, транспартных вузлах.

 Разам з гэтым міністэрства абяцае своечасова і адкрыта інфармаваць  насельніцтва ўнутры краіны і Сусветную арганізацыю аховы аховы здароўя жывёл аб эпідэміялагічнай сітуацыі.

Дадаць каментар

Выбар рэдакцыі

Грамадства

Зміцер Жылуновіч. Таварыш пясняр

Зміцер Жылуновіч. Таварыш пясняр

Ён быў аўтарам Маніфеста аб абвяшчэнні Савецкай Беларусі, першым прэм'ер-міністрам рэспублікі, яго двойчы выключалі з партыі, ён мог стаць першым народным паэтам...

Грамадства

Трансфармацыя адукацыі: поўнае паглыбленне... у лічбу

Трансфармацыя адукацыі: поўнае паглыбленне... у лічбу

Ці спросціць «Электронная школа» жыццё педагогам і як гэта адаб'ецца на якасці ведаў?

Грамадства

Прэзідэнт зрабіў кадравыя прызначэнні

Прэзідэнт зрабіў кадравыя прызначэнні

Аляксандр Лукашэнка даў згоду на прызначэнне рэктараў і кіраўнікоў раёнаў і прадпрыемстваў.

Калейдаскоп

Чым здзівіў Беларускі тыдзень моды

Чым здзівіў Беларускі тыдзень моды

Пазнаёміцца з навінкамі ад беларускіх дызайнераў можна было на тыдні моды, які праходзіў у Мінску з 7 да 11 лістапада.