Вы тут

У госці да… кажаноў


Сёлета Мінск падрыхтаваў шмат актыўнасцяў з нагоды свайго Дня нараджэння: жыхары і госці сталіцы маглі прыняць удзел у спартыўных мерапрыемствах, паслухаць электронную і поп-рок музыку на маладзёжным open air, паглядзець на рыцарскія баі і турніры лучнікаў...  Тых жа, хто марыў пра больш спакойнае баўленне часу, чакалі ў дворыку Нацыянальнага гiстарычнага музея: менавіта там праходзіла “Ноч кажаноў”, якую ініцыявала грамадская арганізацыя “Ахова птушак Бацькаўшчыны”.  Паваланцёрыць на гэтым мерапрыемстве пашанцавала і супрацоўніку Выдавецкага дома “Звязда”.


Хто такія кажаны – грызуны, птушкі ці нехта яшчэ? Ці праўда яны пьюць кроў і палююць на людзей? А як наконт дзіцячай страшылкі пра тое, што кажаны любяць заблытвацца ў валасах? Развеяць распаўсюджаныя (і неабгрунтаваныя!) міфы пра гэтых звяркоў гасцям мерапрыемства дапамагла пазнавальная лекцыя “Нечаканыя кажаны” ад супрацоўніка Навукова-практычнага цэнтра Нацыянальнай акадэміі навук па біярэсурсах Аляксея Шпака. Пакуль больш сталыя наведвальнікі “Ночы” (а дакладней, вечара) знаёміліся з інфармацыйнымі цікавосткамі пра герояў мерапрыемства і атрымлівалі карысныя парады ад лектара (бо мала хто ведае, што рабіць, калі звяркі паселяцца побач з хатай ці заляцяць ў дом), дзеці прымалі ўдзел у майстар-класах: малявалі рознакаляровых кажанчыкаў, рабілі яркія флікеры, вучыліся майстраваць закладкі-“кніжаны”.

Кажаны ў гэты вечар сталі сапраўднымі гаспадарамі музейнага дворыка. Іх можна было ўбачыць паўсюль: на экране праектара, на вокнах і цагляных сценах, на сталах з адмысловымі падзелкамі... А ў фотазоне кожны жадаючы мог зрабіць сэлфі на фоне вялікай выявы надзвычай сімпатычнага і дабрадушнага Кажана.  “Вельмі ўтульна тут у вас, па-сямейнаму”, –  падзялілася сваімі ўражаннямі маладая мама, пакуль яе дачка з захапленнем рабіла закладку з каляровай паперы. “Ноч кажаноў” стала не проста вечарам пазнавальнай інфармацыі , але сапраўдным сямейным фэстам, значная частка праграмы якога была разлічана на дзяцей.

“Важна з маленства ўсведамляць, што кажаны –  не жудасныя істоты з фільмаў жахаў, а паўнапраўныя гаспадары горада і гэтага свету, якіх варта паважаць і шанаваць”, – заўважыла Карына Салавей, кіраўнік аддзела развіцця “Аховы птушак Бацькаўшчыны”. І хаця кажаны – не птушкі, яны патрабуюць не меншай увагі і аховы. Спадзяемся, што ў наступным годзе вы таксама завітаеце ў госці да кажаноў, каб зразумець, якую важную ролю адыгрываюць гэтыя звяркі ў прыродзе.

Алена КАРПЕНКА

Выбар рэдакцыі

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава. 

Грамадства

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

І аднавяскоўцаў людзей, якія ў час вайны ратавалі сям'ю яе бабулі, жонкі афіцэра Чырвонай Арміі.

Спорт

«Вікторыя», якая робіць з Гродна баскетбольную сталіцу

«Вікторыя», якая робіць з Гродна баскетбольную сталіцу

Гродна — горад з багатай не толькі культурнай, але і баскетбольнай гісторыяй. 

Грамадства

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

Такога кшталту справа ў судзе Кастрычнiцкага раёна Гродна разглядаецца ўпершыню.