19 Верасень, серада

Вы тут

Дзяржаўнае кіраванне пачынаецца з мясцовага


Такое меркаванне выказала старшыня Кангрэса мясцовых і рэгіянальных улад Савета Еўропы Гудрун Мослер-Цёрнстром па выніках сустрэчы з Аляксандрам Лукашэнкам.


З кіраўніком дзяржавы старшыня Кангрэса абмеркавала будучы круглы стол, пытанні мясцовага самакіравання. "У выніку мы сышліся на думцы аб тым, што менавіта мясцовае самакіраванне мае вялікае значэнне, таму што з яго пачынаецца дзяржаўнае кіраванне", – падкрэсліла яна.

Акрамя таго, бакі абмеркавалі паспяховае супрацоўніцтва, якое ўсталявалася паміж Саветам Еўропы і Саветам Рэспублікі Нацыянальнага сходу Беларусі. Яна выказала надзею на плённы працяг гэтых адносін.

З нагоды запрашэння на будучыя Форумы рэгіёнаў у Беларусі яна адказала:

"Павінна ўдакладніць даты правядзення гэтых мерапрыемстваў. Калі ў мяне будзе такая магчымасць, буду рада прыехаць. Веру ў тое, што сувязі трэба ўсталёўваць з людзьмі. З імі трэба размаўляць, знаёміцца, таму што асабістыя зносіны – гэта заўсёды добрая адпраўная кропка для развіцця больш маштабных адносін", – дадала яна.

Гудрун Мослер-Цёрнстром адзначыла, што круглы стол 12 верасня будзе прысвечаны пытанням мясцовага самакіравання, дзе будуць абмяркоўвацца розныя мадэлі самакіравання і шляхі працы з беларускімі партнёрамі.

Уладзіслаў ЛУКАШЭВІЧ

Дадаць каментар

Выбар рэдакцыі

Грамадства

Якім чынам можа праяўляцца адзінота?

Якім чынам можа праяўляцца адзінота?

Адзінота і асабліва адзінота ў сям'і — рэальная прыкмета нашага часу.

Грамадства

Усё, што трэба ведаць пра замяшчальную гарманальную тэрапію

Усё, што трэба ведаць пра замяшчальную гарманальную тэрапію

Лішняя вага, бяссонніца, прылівы, парушэнні ціску і астэапароз — далёка не ўсе праявы, якія падпільноўваюць жанчыну ў пэўным узросце. 

Спорт

Вячаслаў Грэцкі: Часам называюць мяне Уэйнам

Вячаслаў Грэцкі: Часам называюць мяне Уэйнам

Пра знакамітае прозвішча і сучаснасць беларускага хакея.