Вы тут

У войску заканчваецца камандна-штабное вучэнне


З 6 па 12 верасня ва Узброеных Сілах Беларусі праходзіць камандна-штабное вучэнне. Сёлета яно з'яўляецца фінальным этапам у сістэме баявой, аператыўнай і мабілізацыйнай падрыхтоўкі войскаў. Іх тэма ставіць на мэце падрыхтоўку і выкарыстанне сіл для адбіцця агрэсіі супраць нашай краіны. 


Фінальны этап вучэнняў распачаўся на Барысаўскім палігоне 11 верасня. 

- Перад вайскоўцамі была пастаўлена задача знішчыць аэрамабільны дэсант праціўніка сіламі падраздзяленняў 19 асобнай механізаванай брыгады з баявой стральбой, - зазначыў камандуючы войскамі Паўночна-Заходняга аператыўнага камандавання генерал-маёр Андрэй Жук. - Агнявую падтрымку забяспечвалі артылерыйскія падраздзяленні. Вялікае значэнне мы надалі тылавому і медыцынскаму забеспячэнню. Пастаўленыя задачы былі выкананы. 
За вучэннямі сачылі аташэ і назіральнікі амаль з 20 краін свету. 

- Камандна-штабное вучэнне Узброеных Сіл, якое зараз праводзіцца, не падпадае пад катэгорыю назіраемага ў адпаведнасці з палажэннямі Венскага дакумента 2011 года, - паведаміў начальнік упраўлення верыфікацыі дэпартаменту міжнароднага ваеннага супрацоўніцтва Міністэрства абароны Беларусі Андрэй Царык. - У той жа час мы хочам прадэманстраваць сваю адкрытасць, прыхільнасць прынцыпу ўзаемнасці. Таму Беларусь запрасіла для назірання за гэтым вучэннем вайсковых назіральнікаў з суседніх краін, у прыватнасці, з Латвіі, Літвы, Украіны. Ад кожнай з краін прыехалі па два прадстаўнікі. Да іх дадаліся 15 аташэ. 

- Я вельмі рады, што магу паглядзець на актыўную фазу асноўнага этапу камандна-штабнога вучэння, - сказаў ваенны атташэ Рэспублікі Балгарыя ў Беларусі палкоўнік Станіслаў Генкаў. - Мы пабачылі разнастайныя баявыя дзеянні па ўтрыманні абарончага рубяжа і знішчэнні праціўніка, а таксама авіяцыйную і агнявую падтрымку. Узровень зладжанасці вельмі высокі. Нягледзячы на тое, што вучэнне было неназіраемае, я і мае калегі - аташэ з іншых краін - былі запрошаны сюды. За гэта ад свайго імя і ўсіх сваіх калег дзякую кіраўніцтву Узброеных Сіл Беларусі. 

Камандаваў вучэннямі начальнік Генеральнага штаба - першы намеснік міністра абароны генерал-маёр Алег Белаконеў. Ён уручыў ваеннаслужачым, якія вызначыліся найлепшым узроўнем падрыхтоўкі, памятныя падарункі. 

Падрабязней аб тым, як праходзілі вучэнні, чытайце ў адным з наступных нумароў "Звязды". 

Валяр'ян ШКЛЕННІК

Фота БЕЛТА

Выбар рэдакцыі

Культура

Як у Чавускім раёне праводзіліся святыя вечары

Як у Чавускім раёне праводзіліся святыя вечары

Традыцыя варажыць на нарачонага прыйшла з язычніцкіх часоў.

Грамадства

Мастацкі кіраўнік «Песняроў» пра радасці і складанасці сямейнага жыцця

Мастацкі кіраўнік «Песняроў» пра радасці і складанасці сямейнага жыцця

«Я лічу, што мужчына можа заводзіць сям'ю, калі ў яго ўжо ёсць сваё жыллё або выразная перспектыва, калі яно з'явіцца».

Грамадства

Небяспечныя гульні. На што трэба звярнуць увагу бацькам падлеткаў

Небяспечныя гульні. На што трэба звярнуць увагу бацькам падлеткаў

Днямі суд Першамайскага раёна Мінска абвясціў прысуд удзельнікам вечарынкі, падчас якой 19-гадовая дзяўчына загінула ад ужывання псіхатропу

Эканоміка

Падрыхтаваны праект новага ўказа аб аднаўляльных крыніцах энергіі

Падрыхтаваны праект новага ўказа аб аднаўляльных крыніцах энергіі

Так званая «зялёная» энергетыка ў апошнія гады развіваецца ў нашай краіне хуткімі тэмпамі.