Вы тут

Саджаць ці не саджаць новыя расліны замест выкарчаваных


Пашкоджаныя кляшчом парэчкі выкарчавалі. Ці можна на гэтым месцы саджаць новыя?


Клешч жыве толькі на парэчках, у глебе яго не бывае. Таму трэба спаліць усе раслінныя рэшткі і можна смела саджаць новы куст, унёсшы ў пасадачную яму адно-два вядры перагною.

Іншая рэч, калі на гэтым месцы парэчкі раслі гадоў дзесяць, а то і дваццаць. Тады лепш гады тры-чатыры тут вырошчваць агародніну, уносячы шчодрыя дозы гною або перагною. І толькі праз гэты тэрмін зноў высаджваць ягаднікі.

Таксама непажадана саджаць пасля пладовых дрэў новыя саджанцы. Трэба даць глебе мінімум тры гады, каб адпачыць. У выпадку калі чакаць нельга і трэба тэрмінова пасадзіць, капаецца вялікая яма, уносіцца шмат перагною і высаджваюцца саджанцы як бы на новае месца.

Пры гэтым трэба выконваць правіла: пасля семечкавых культур (айва, яблыня, груша, рабіна і інш.) саджаюць костачкавыя (вішня, сліва, чарэшня, алыча, абрыкос і інш.). Справа ў тым, што ў першыя тры-чатыры гады ў глебе раскладаюцца карані, вылучаючы шкодныя для новых саджанцаў рэчывы.

Пазбегнуць гэтых праблем можна, калі пасадзіць маладое дрэва непадалёк і два-тры гады не прыбіраць старое. За гэты час саджанец адужае і каранёвыя вылучэнні не будуць для яго небяспечныя.

Для барацьбы са стамленнем глебы карысна прытрымлівацца пладазмены ў рамках трох цыклаў. Першы цыкл аб'ядноўвае малалетнія расліны — суніцы, агароднінныя і кветкавыя культуры. Яны могуць быць узаемазамяняльнымі: агароднінныя — штогод, а суніцы на агароднінныя — праз два-тры гады.

Другі цыкл ахоплівае паўкустовыя і кустовыя расліны, якія па пладазмене заменныя паміж сабой, а ў цэлым або часткова праз 8—12 гадоў з раслінамі першага цыкла.

Трэці цыкл (шматгадовы) ахоплівае драўняныя пладовыя — костачкавыя і семечкавыя. Пароды трэцяга цыкла можна памяняць месцамі з раслінамі першага або другога цыкла. Участак з дрэвамі трэцяга цыкла трэба разбіць напалову, каб абнаўляць яго склад не адразу, а з разбежкай у 6-7 гадоў. Гэта выраўняе паступленне ўраджаю па гадах.

Можна зрабіць так, каб даўгавечныя пароды — яблыня і груша — займалі 50 % плошчы ўчастка, костачкавыя пароды — 10 %, ягадныя кусты — 10 %, маліна — 10 %, суніца — 10 %, агародніна — таксама 10 %.

На ўчастку ў шэсць сотак канкрэтныя плошчы парод будуць у гэтым выпадку такія: семечкавыя — 300 м2, костачкавыя пароды, ягадныя кусты, агародніна, маліны і суніцы — па 60 м2.

Выбар рэдакцыі

Культура

У нядзелю яўрэі святкуюць Новы год дрэў

У нядзелю яўрэі святкуюць Новы год дрэў

На гэта свята асаблівым чынам спажываюць розную садавіну, запіваючы келіхамі добра разбаўленага віна.

Грамадства

Як задаволіць кадравы голад у сферы ІТ?

Як задаволіць кадравы голад у сферы ІТ?

Работадаўцы кажуць, што быць добрым праграмістам і ўмець пісаць код для эфектыўнай работы ўжо недастаткова.

Культура

Балельшчыкі II Еўрапейскіх гульняў ужо рэзервуюць вясковыя гатэлі

Балельшчыкі II Еўрапейскіх гульняў ужо рэзервуюць вясковыя гатэлі

«Адышоў час, калі гасцям патрэбныя былі толькі «чарка і скварка», ім ужо цікавыя музеі, культурная праграма».