Летняя школа “Адукацыя журналіста ў кантэксце лічбавых тэхналогій” пройдзе 13 верасня на журфаку ў БДУ. Мерапрыемства адбудзецца ў рамках XIII Беларускага міжнароднага медыяфоруму “Партнёрства ў імя будучыні: лічбавая павестка для медыяпрасторы”.
Слухачамі школы стануць больш за 300 студэнтаў і маладых спецыялістаў з рэгіёнаў Беларусі. Удзельнікі даведаюцца аб інавацыйных падыходах у традыцыйных медыя, пра спецыфіку работы з міжнароднай інфармацыяй, ці змогуць YouTube і іншыя пляцоўкі цалкам замяніць сабой тэлебачанне.
Для маладых журналістаў арганізуюць майстар-класы, лекцыі, тэматычныя дыскусіі і круглыя сталы. У якасці спікераў выступяць вядучыя беларускія і замежныя журналісты. Першы намеснік міністра інфармацыі Беларусі Павел Лёгкі выступіць з лекцыяй "Рэгіянальныя СМІ ў эпоху лічбавізацыі: шляхі развіцця, праблемы і перспектывы”, а майстар-клас “Інтэрнэт-рэсурсы як эфектыўны інструмент фарміравання грамадскай думкі” правядзе рэдактар аддзела палітыкі часопіса “Саюз”, вядучы праграмы “Сусветная палітыка” Расійскай дзяржаўнай радыёвяшчальнай кампаніі “Голас Расіі” Ігар Панарын.
Таксама, вопытам з маладымі журналістамі падзеляцца першы намеснік Генеральнага дырэктара ЗАТ “Сталічнае тэлебачанне” Вадзім Шчаглоў, галоўны рэдактар расійскай газеты “Аргументы і факты” Ігар Чарняк, генеральны дырэктар агенцтва міжнароднай інфармацыі “Trend” Ільгар Гусейнаў і іншыя.
Надзея НІКАЛАЕВА
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
