Вы тут

Зарэгістраванае беспрацоўе ў Беларусі складае 0,4 працэнта


Узровень зарэгістраванага беспрацоўя на 1 верасня бягучага года склаў 0,4 працэнта, што адпавядае ўзроўню месячнай даўнасці. Аб гэтым паведамілі ў Міністэрстве працы і сацыяльнай абароны.


У параўнанні з 1 верасня 2017 года гэты паказчык знізіўся на 0,3 працэнтнага пункта.

Узровень зарэгістраванага беспрацоўя ў Брэсцкай, Віцебскай, Гомельскай і Магілёўскай абласцях склаў 0,5 працэнта; у Гродзенскай вобласці - 0,4 працэнта; у Мінскай вобласці - 0,3 працэнта; у Мінску - 0,1 працэнта.

У якасці беспрацоўных зарэгістравана 16,3 тыс. чалавек, што на 45,2 працэнта менш, чым на 1 верасня 2017 года.

Наймальнікі прапануюць 76,6 тыс. свабодных рабочых месцаў, пры гэтым попыт па рабочых прафесіях склаў 65 працэнтаў ад агульнай колькасці вакансій.

Каэфіцыент напружанасці на рынку працы рэспублікі на 1 верасня склаў 0,2 беспрацоўнага на адну вакансію (год таму было 0,5 працэнта). Пры гэтым у Брэсцкай і Віцебскай абласцях гэты паказчык склаў 0,4; у Гомельскай і Магілёўскай - 0,3; у Гродзенскай і Мінскай абласцях - 0,2; у Мінску - 0,1.

У студзені-жніўні за садзейнічаннем у працаўладкаванні звярнуліся 143,3 тыс. чалавек, з якіх пастаўлена на ўлік у якасці беспрацоўных 80,6 тыс. За гэты перыяд на створаныя рабочыя месцы і наяўныя вакансіі пры садзейнічанні службы занятасці на пастаянную работу працаўладкаваны 107,8 тыс. чалавек, або 75,2 працэнта ад тых, хто звярнуўся за садзейнічаннем у працаўладкаванні, з іх 59,4 тыс. беспрацоўных.

На навучанне па прафесіях, запатрабаваных на рынку працы, накіравана 4,6 тыс. чалавек, у аплатных грамадскіх работах прынялі ўдзел 26,7 тыс., на новае месца жыхарства і работы пераселена 108 сем'яў беспрацоўных.

БЕЛТА

Дадаць каментар

Выбар рэдакцыі

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Пра ўрокі іншай мовы і шчасце, калі ў доме гаспадар.

Грамадства

Птушкі, людзі, цытаты з класікаў: хто, як і навошта расфарбоўвае гарады

Птушкі, людзі, цытаты з класікаў: хто, як і навошта расфарбоўвае гарады

 Карэспандэнт «Звязды» сустрэлася з мастаком Аляксандрам Благіем.

Грамадства

На лячэнне і паляванне. Што прыцягвае замежнікаў у Беларусі?

На лячэнне і паляванне. Што прыцягвае замежнікаў у Беларусі?

​Беларускія санаторыі перасталі быць месцам адпачынку пераважна пажылых людзей.

Грамадства

Што адбываецца ў Юравічах?

Што адбываецца ў Юравічах?

Пасля трагедыі людзі размаўляюць з журналістамі на ўмовах ананімнасці