18 Верасень, аўторак

Вы тут

З пачатку мая з-за ўкусу кляшчоў звярнулася каля 5 тысяч чалавек


Самая вялікая колькасць зарэгістравана ў Гродне і Гродзенскім раёне — больш за 3 тысячы выпадкаў. Каля 300 зваротаў — у Лідзе і Ваўкавыску. Найбольш небяспечнымі можна назваць Зэльвенскі і Воранаўскі раёны, дзе колькасць падобных выпадкаў знаходзіцца ў межах 20.


Цяпер назіраецца другі пік актыўнасці паразітаў. З пачатку тыдня штодзень фіксуецца больш за 50 чалавек, якія звярнуліся з-за ўкусу кляшча, пераважна гродзенцы. Трэба сказаць, што вясновы пік прынёс у два разы больш зваротаў, чым мінулагодні. Разам з тым агульная колькасць пацярпелых крыху меншая, чым летась.

Кляшчы — пераносчыкі сур'ёзных захворванняў. У вобласці зарэгістравана 24 выпадкі клешчавога энцэфаліту (32 — летась) і 104 выпадкі хваробы Лайма (121 — летась).

Па словах энтамолага Гродзенскага абласнога цэнтра гігіены, эпідэміялогіі і грамадскага харчавання Валянціны Слізевіч, «падчапіць» кляшча можна не толькі ў лесе, але і падчас шпацыру па лясным масіве альбо на дачах. Многія дачныя таварыствы звяртаюцца з просьбай апрацаваць іх тэрыторыю ад кляшчоў. Такая работа рэгулярна праводзілася ў парках, зялёных зонах гарадоў і райцэнтраў.

Каб абараніць сябе і дачны ўчастак ад паразітаў, трэба навесці парадак, раяць спецыялісты санітарнай службы. На тэрыторыі не павінна быць сметнікаў з харчовымі адходамі. Гэта вабіць грызуноў, якія, у сваю чаргу, могуць стаць пераносчыкамі кляшчоў. Крывасмокі хаваюцца таксама пад сухой травой, галлём ці іншым смеццем. Некаторыя дачнікі маюць свае спосабы барацьбы: яны высаджваюць на ўчастках чабрэц, шалфей, багульнік, рамонкі, якія адпуджваюць паразітаў. Што датычыць адзення, яно павінна быць шчыльнае і закрываць па магчымасці ўсе ўчасткі цела, асабліва пры паходах у лес.

У тэму

Павялічылася колькасць зваротаў са скаргамі на ўкусы вос і пчол. За мінулы месяц у «хуткую дапамогу» горада Гродна звярнулася амаль 50 чалавек, з якіх палова — дзеці.

Масавы выпадак нападзення вос назіраўся ў канцы жніўня. Насякомыя пакусалі выхаванцаў аднаго з дзіцячых садкоў Гродна. Пяцёра з іх былі шпіталізаваны. Іх здароўю нічога не пагражае.

Маргарыта УШКЕВІЧ

Загаловак у газеце: Крывасмокі не адступаюць

Дадаць каментар

Выбар рэдакцыі

Спорт

Вячаслаў Грэцкі: Часам называюць мяне Уэйнам

Вячаслаў Грэцкі: Часам называюць мяне Уэйнам

Пра знакамітае прозвішча і сучаснасць беларускага хакея.

Эканоміка

Ці можна кіраваць попытам спажыўцоў?

Ці можна кіраваць попытам спажыўцоў?

Ад спантаннай пакупкі са «зніжкай па-беларуску» можна не толькі не атрымаць якой-небудзь эканоміі, але і пераплаціць за яе.

Культура

У Мінск прыедуць «Іліяда» на папірусе і найстаражытнейшыя фрагменты Бібліі

У Мінск прыедуць «Іліяда» на папірусе і найстаражытнейшыя фрагменты Бібліі

Выстаўка адкрываецца ў Нацыянальнай бібліятэцы Беларусі.

Грамадства

Андрус Пулакас: У Беларусі шукаю не адрозненні, а супадзенні

Андрус Пулакас: У Беларусі шукаю не адрозненні, а супадзенні

З Літвой у нас агульнае гістарычнае мінулае, і зараз яна – наша бліжэйшая суседка ў Еўрасаюзе.