Вы тут

Расійскаму касманаўту перадалі ордэн загінулага дзядзькі


Пошукавыя атрады, якія працуюць у нашай краіне, дагэтуль адкрываюць таямніцы, якія з ваенных часоў захоўвае зямля. Нядаўна член ваенна-гістарычнага клуба «Пошук» Андрэй Емяльяненка знайшоў ордэн Александра Неўскага ў лесе каля вёскі Давыдавічы ў Калінкавіцкім раёне Гомельскай вобласці. У 1943 годзе тут ішлі вельмі моцныя баі. Пошукавік збіраў інфармацыю пра няўлічаныя вайсковыя захаванні.


А ўчора міністр абароны Рэспублікі Беларусь генерал-лейтэнант Андрэй Раўкоў перадаў Герою Савецкага Саюза лётчыку-касманаўту Аляксандру Віктарэнку гэтую ўзнагароду. 75 гадоў таму яе атрымаў дзядзька касманаўта, старшы лейтэнант Іван Віктарэнка.

— Камандзір роты 69-га стралковага палка старшы лейтэнант Іван Віктарэнка быў прадстаўлены да ўзнагароджання ордэнам Чырвонай Зоркі, але камандуючы 65-й арміяй асабіста на ўзнагародным лісце наклаў рэзалюцыю аб узнагароджанні ордэнам Аляксандра Неўскага, — паведамілі ў прэс-службе Міністэрства абароны. — З узнагароднага ліста вынікае, што ў раёне вёскі Жытцы Лоеўскага раёна Гомельскай вобласці мінамётная рота пад камандаваннем старшага лейтэнанта Івана Віктарэнкі паспяхова фарсіравала Дняпро. Дзякуючы выразнаму кіраўніцтву ўсё падраздзяленне, матэрыяльная частка і боепрыпасы былі хутка і без страт перапраўленыя на правы бераг. У далейшым камандзір роты арганізаваў умелае вядзенне агню па агнявых пунктах саперніка. Тым самым было забяспечана паспяховае прасоўванне пяхоты. Пры адбіцці контратакі агнём мінамётаў Іван Віктарэнка бязлітасна знішчаў гітлераўцаў і забяспечыў поспех бою.

Іван Віктарэнка загінуў праз месяц пасля гэтых падзей у адным з жорсткіх баёў.

Валяр'ян ШКЛЕННІК

Загаловак у газеце: Ордэн знайшоўся праз 75 гадоў

Дадаць каментар

Выбар рэдакцыі

Эканоміка

 Эксперт: Да новага года рост цэн на нерухомасць спыніцца

Эксперт: Да новага года рост цэн на нерухомасць спыніцца

А калі і падрасце, то не больш чым на 0,5-1 працэнт.

Грамадства

Як і хто дапамагае змагацца з восамі ў кватэры?

Як і хто дапамагае змагацца з восамі ў кватэры?

Неяк ранкам я знайшла ў сябе на кухні некалькі вос. 

Культура

Форум тэатральнага мастацтва «ТЭАРТ» пакінуў на сэрцы рваныя раны

Форум тэатральнага мастацтва «ТЭАРТ» пакінуў на сэрцы рваныя раны

Мядзведзь на сцэне, Чэхаў на мове жэстаў і самая дакладная перадача стану дэпрэсіі.