Вы тут

Святы азербайджанскай і індыйскай культур разгорнуцца ў Верхнім горадзе


Дні нацыянальных культур - азербайджанскай і індыйскай - пройдуць ў Верхнім горадзе 22 і 23 верасня, паведамілі арганізатары.


Фестываль азербайджанскай культуры «Бакінскі бульвар» адкрыецца каля сцен гарадской ратушы 22 верасня.

Госці змогуць пакаштаваць плоў (прычым першых 100 чалавек будуць частаваць бясплатна), баранчыка на ражне, даведацца сакрэты прыгатавання традыцыйных прысмакаў, атрымаць асалоду ад густам і водарам гранатавага віна.

Знаёмства з традыцыямі і славутасцямі Азербайджана пачнецца з магіі старажытных рытмаў «барабаннага круга», Бакінскага рынку, імправізаванай выставы дываноў і гульні ў нарды. Пройдуць конкурсы і віктарыны з розыгрышам прызоў, галоўным з якіх стане бясплатная пуцёўка на дваіх у Баку.

Юных гасцей фестывалю пацешаць разнастайныя майстар-класы, арт-бар, кантактны заапарк і шоу мыльных бурбалак.

Святочны настрой гасцям падораць беларускія і азербайджанскія артысты: Самір Джафараў, Лала Мамедава, Джахангір Курбанащ, Гюнеш Абасава, Руслан Асланаў і іншыя. Завершыцца свята а 23:00 яркім вогненным шоу.

Арганізатары - Мінгарвыканкам, міжнароднае грамадскае аб'яднанне «Кангрэс азербайджанскіх абшчын» Беларусі пры падтрымцы Пасольства Азербайджана ў Беларусі.

А на наступны дзень, 23 верасня, гістарычны цэнтр Мінска акунецца ў атмасферу загадкавай і чароўнай Індыі.

Спецыяльны госць свята - калектыў пад кіраўніцтвам Мукундан Терувата - прадэманструе прыёмы найстаражытнага індыйскага баявога мастацтва Калапіпаяту. Індыйская сказальніца з Вялікабрытаніі доктар Сіма Ананд раскажа мінчукам гісторыі з індыйскай міфалогіі і літаратуры.

Акрамя выступленняў танцораў і музыкаў пройдзе паказ індыйскай моды, адбудуцца майстар-класы па ёзе і медытацыі, прыгатаванні страў індыйскай кухні, лекцыі і дэманстрацыі методык аюрверды. На свяце можна будзе набыць традыцыйныя сувеніры, чай, спецыі, рыс, касметыку і біжутэрыю.

Арганізатарамі мерапрыемства выступілі Пасольства Індыі ў Беларусі і Мінскі гарадскі выканаўчы камітэт.

minsknews.by

Выбар рэдакцыі

Грамадства

Рагачук: Дзеці ў пясочніцах на касцях гуляць не будуць

Рагачук: Дзеці ў пясочніцах на касцях гуляць не будуць

Кіраўнік Брэсцкага гарвыканкама адмеркаваў рэзанансную тэму раскопак на тэрыторыі гета.

Культура

Як  мастак Май Данцыг ствараў свае карціны

Як мастак Май Данцыг ствараў свае карціны

Наватар, «шасцідзясятнік», ваяўнічы аптыміст — гэта ўсё пра яго.

Грамадства

Як ператварыць звычайны ўрок беларускай літаратуры ў творчую майстэрню?

Як ператварыць звычайны ўрок беларускай літаратуры ў творчую майстэрню?

Настаўнікі ўпэўнены: ці будуць вучні чытаць, у многім залежыць ад іх саміх. 

Эканоміка

Петришенко: Называть ЕАЭС экономическим союзом сегодня можно только авансом

Петришенко: Называть ЕАЭС экономическим союзом сегодня можно только авансом

Однако наша страна надеется, что это временные трудности.