Вы тут

"Лістапад-2018" пройдзе пад слоганам "Пазнаючы белы свет"


XXV Мінскі міжнародны кінафестываль "Лістапад" пройдзе пад слоганам "Пазнаючы белы свет" і будзе прысвечаны вядомаму рэжысёру Кіры Муратавай, паведамілі арганізатары.


Гэты слоган адсылае да аднаго з любімых аўтараў кінафестывалю Кіры Муратавай і яе аднайменнай карціны "Пазнаючы белы свет". Менавіта на такое кіно, якое гаворыць пра блізкае на мове высокага мастацтва", "Лістапад" хацеў бы раўнавацца пры фарміраванні сваіх праграм. "Захапленні", "Чэхаўскія матывы", "Наладчык", "Мелодыя для шарманкі" - фільмы Кіры Муратавай ідуць побач з усёй 25-гадовай гісторыяй Мінскага МКФ. Больш таго, апошнія гады рэжысёр адмаўлялася ад паездак на многія фестывалі, але Мінск стаў шчаслівым выключэннем - тут у 2013 годзе яна прадставіла сваю карціну "Вечнае вяртанне".

"Пазнаючы белы свет" з'яўляецца адным з тых фільмаў савецкай эпохі, якія не старэюць, а наадварот з кожным годам уздзейнічаюць усё мацней. Кіно Кіры Муратавай - гэта навацыя, актуальнасць і вечныя тэмы. Мы з вялікім хваляваннем ставімся да Кіры Георгіеўны і яе да нас увагі. У той жа час мы хочам запрасіць "пазнаць белы свет" у прамым сэнсе, таму што кіно - не проста займальнае апавяданне. Акунаючыся ў зусім розныя кантэксты, культуры, сюжэты мы даведваемся аб свеце, а разам з тым пазнаём і саміх сябе", - сказаў праграмны дырэктар фестывалю Ігар Сукманаў.

  • XXV Мінскі міжнародны кінафестываль пройдзе з 2 па 9 лістапада. "Лістапад" акрэдытаваны Міжнароднай федэрацыяй асацыяцый кінапрадзюсараў (FIAPF) як конкурсны фестываль фільмаў, створаных у краінах былога сацыялістычнага лагера: краінах СНД, Цэнтральнай і Паўднёва-Усходняй Азіі, Балтыі, Усходняй і Цэнтральнай Еўропы.
  • Асноўнымі пляцоўкамі форуму ў гэтым годзе стануць кінатэатры "Цэнтральны", "Мір", "Піянер", "Масква", "Беларусь", Falcon Club Буцік Кіно і Музей гісторыі беларускага кіно.
  • Заснавальнікі ММКФ - Міністэрства культуры Беларусі і Мінскі гарадскі выканаўчы камітэт. Арганізатар "Лістапада" - Цэнтр візуальных і выканальніцкіх мастацтваў "АРТ Карпарэйшн". Генеральным партнёрам выступае банкаўская плацежная картка "Шчодрая" Mastercard. Афіцыйныя партнёры - "Кінавідэапракат" Мінгарвыканкама, Falcon Club Буцік Кіно, авіякампанія "Белавія", "Белтэлекам", афіцыйны білетны аператар "Байкард". Пры падтрымцы Белтэлерадыёкампаніі, Нацыянальнай кінастудыі "Беларусьфільм" і рэкламнага агенцтва "Фортэ".

БЕЛТА

Дадаць каментар

Выбар рэдакцыі

Культура

Форум тэатральнага мастацтва «ТЭАРТ» пакінуў на сэрцы рваныя раны

Форум тэатральнага мастацтва «ТЭАРТ» пакінуў на сэрцы рваныя раны

Мядзведзь на сцэне, Чэхаў на мове жэстаў і самая дакладная перадача стану дэпрэсіі.

Спорт

Настасся Чарняўская: Трэба, каб людзі ведалі: бадмінтон — рэальны спорт

Настасся Чарняўская: Трэба, каб людзі ведалі: бадмінтон — рэальны спорт

Якія задачы ставяцца перад камандай у 2019 годзе і што самае важнае ў бадмінтоне?

Грамадства

Які ўрок лепшы: перакулены або традыцыйны?

Які ўрок лепшы: перакулены або традыцыйны?

Як зрабіць, каб у вучняў загарэліся вочы?

Грамадства

Губернатар Гродзеншчыны - пра перспектыўныя праекты рэгіёна

Губернатар Гродзеншчыны - пра перспектыўныя праекты рэгіёна

Горад-спадарожнік, анкалагічны цэнтр, «вёскі будучыні»...