Вы тут

У ДАІ Мінска распавялі новыя падрабязнасці пагоні са стралянінай


У аўторак каля 14.50 на трасе Р28 (Мінск -Маладзечна) каля вёскі Лоша Мінскага раёна кіроўца аўтамабіля "Аўдзі 80" не выканаў патрабаванне супрацоўнікаў ДАІ Мінскага раёна спыніцца і прадоўжыў рух у кірунку Мінска.


Пры пераследзе ён неаднаразова не выконваў патрабаванні аб спыненні. У раёне Заслаўя па тэхнічных прычынах службовы аўтамабіль ДАІ не змог працягнуць пераслед, і інфармацыя была перададзена ў дзяжурную частку. У Мінску на вуліцы Ціміразева ў раёне МКАД супрацоўнікамі сталічнай ДАІ быў заўважаны дадзены аўтамабіль, кіроўца якога зноў не выканаў патрабаванне спыніцца і прадоўжыў рух па вуліцы Ціміразева. Далей кіроўца павярнуў у завулак Тучынскі на паркоўку гандлёвага цэнтра "Карона", дзе працягнуў рух па тратуары ў напрамку ўваходу ў станцыю метрапалітэна "Маладзёжная".

Інспектарам была выкарыстана табельная зброя для спынення транспартнага сродку, бо дзеянні вадзіцеля "Аўдзі 80" стваралі рэальную пагрозу жыццю і здароўю грамадзян. У выніку прымянення табельнай зброі ніхто не пацярпеў. Дадзеная мера не дазволіла спыніць супрацьпраўныя дзеянні кіроўцы. Кіроўца працягнуў рух па тратуары каля гандлёвага цэнтра ў напрамку вуліцы Кальварыйскай, затым па самой вуліцы Кальварыйскай, дзе павярнуў на вуліцу Жудро і працягнуў рух па сустрэчнай паласе. На вуліцы Жудро вадзіцель учыніў наезд на аўтамабілі. Тут "Аўдзі" было заблакавана службовымі аўтамабілямі ДАІ. Кіроўца затрыманы.

Устаноўлена, што вадзіцель машыны "Аўдзі 80" - грамадзянін Рэспублікі Беларусь, 1953 года нараджэння, які мае пасведчанне кіроўцы адпаведнай катэгорыі, быў цвярозы. Прычыну неадэкватных паводзін і шматлікіх парушэнняў ПДР патлумачыць не змог. Па гэтым факце праводзіцца праверка.

guvd.gov.by

Дадаць каментар

Выбар рэдакцыі

Эканоміка

 Эксперт: Да новага года рост цэн на нерухомасць спыніцца

Эксперт: Да новага года рост цэн на нерухомасць спыніцца

А калі і падрасце, то не больш чым на 0,5-1 працэнт.

Грамадства

Як і хто дапамагае змагацца з восамі ў кватэры?

Як і хто дапамагае змагацца з восамі ў кватэры?

Неяк ранкам я знайшла ў сябе на кухні некалькі вос. 

Культура

Форум тэатральнага мастацтва «ТЭАРТ» пакінуў на сэрцы рваныя раны

Форум тэатральнага мастацтва «ТЭАРТ» пакінуў на сэрцы рваныя раны

Мядзведзь на сцэне, Чэхаў на мове жэстаў і самая дакладная перадача стану дэпрэсіі.