Вы тут

Цягнік насмерць збіў пенсіянерку каля станцыі Зэльва


Грузавы цягнік Баранавічы-Ваўкавыск збіў да смерці пенсіянерку каля станцыі Зэльва на пешаходным пераходзе праз чыгуначныя пуці, паведаміў афіцыйны прадстаўнік УСК па Гродзенскай вобласці Сяргей Шаршаневіч.


Ад траўмаў 84-гадовая мясцовая жыхарка памерла на месцы. Затрымка руху цягнікоў склала каля 2,5 гадзіны.

Праверку праводзіць Зэльвенскі раённы аддзел Следчага камітэта. Прызначана судова-медыцынская экспертыза. Правяраецца таксама, ці была ў машыністаў магчымасць пазбегнуць трагедыі.

Надзвычайнае здарэнне адбылося 16 верасня каля 7.00. "Следчыя з удзелам экспертаў і супрацоўнікаў міліцыі агледзелі месца здарэння, усталявалі і апыталі відавочцаў, канфіскавалі запісы камер вонкавага відэаназірання, правялі іншыя працэсуальныя дзеянні. Гэта дазволіла высветліць, што пенсіянерка не мела намераў звесткі рахункаў з жыццём. Жанчына накіроўвалася па асабістых справах. Яна выйшла на чыгуначны пераезд, не звяртаючы ўвагі на надыходзячы грузавы цягнік. У момант сутыкнення машыністы былі цвярозыя", - праінфармаваў Сяргей Шаршаневіч.

Па дадзеных следства, раней пенсіянерка не раз пераходзіла пуці ў неналежных месцах. У сувязі з гэтым з ёй праводзілася тлумачальная праца.

БЕЛТА

Выбар рэдакцыі

Спорт

Беларус Данііл Крывіцкі ў 15 гадоў гуляе ў футбол у іспанскім клубе

Беларус Данііл Крывіцкі ў 15 гадоў гуляе ў футбол у іспанскім клубе

 З перспектыўным футбалістам мы звязаліся, каб даведацца пра яго далейшыя планы, трэніроўкі ў «Інтэры» і жыццё ў Іспаніі.

Грамадства

Чаму лесапілка стала прадметам спрэчак сярод вяскоўцаў

Чаму лесапілка стала прадметам спрэчак сярод вяскоўцаў

Каб высветліць маштаб праблемы, журналіст «Звязды» накіравалася ў вёску Струпень.

Грамадства

Як выхаваць даследчыка за школьнай партай?

Як выхаваць даследчыка за школьнай партай?

Чаму ўсе краіны, якія развіваюць інавацыйную эканоміку, робяць сёння стаўку на STЕM?