Арганізацыі тарфяной прамысловасці Міністэрства энергетыкі сканчаюць сезон здабычы торфу, паведамілі ў прэс-службе Мінэнерга.
Па стане на 16 верасня бягучага года здабыта 2 568,4 тыс. т торфу, што складае 110,4% ад гадавога задання і 119% у адносінах да аналагічнага перыяду мінулага года. Усе 23 прадпрыемствы галіны, якія здабываюць торф, выканалі усталяванае сезоннае заданне.
Аб'ём здабычы фрэзернага торфу у 2018 годзе запланаваны з улікам поўнага забеспячэння сыравінай для выканання даведзеных вытворчых паказчыкаў па выпуску тарфяной прадукцыі ў бягучым годзе і стварэння неабходнага рэзерву торфу для працы ў першым паўгоддзі 2019 года, адзначылі ў прэс-службе. У сувязі са спрыяльнымі ўмовамі надвор'я асобныя прадпрыемствы працягваюць здабычу торфу.
Вытворчыя магутнасці арганізацый тарфяной прамысловасці Міністэрства энергетыкі дазваляюць штогод здабываць каля 2,5 млн тон торфу і вырабляць да 1,4 млн тон паліўных брыкетаў. Па ўзроўні здабычы карыснага выкапня Беларусь займае другое месца ў Еўропе пасля Фінляндыі, праінфармавалі ў Мінэнерга.
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
