Вы тут

На Брэстчыне стартуе эстафета пакаленняў “Юнацтва камсамольскае”


Удзельнікі абласной эстафеты — актыў БРСМ і лідары маладзёжнага  руху розных пакаленняў — сустрэнуцца ў 10.00 каля помніка камсомольцу, абаронцу Брэсцкай крэпасці Аляксею Наганаву. Тут адбудзецца ўрачысты мітынг-старт эстафеты, будуць уручаны новыя маладзёжныя білеты навучэнцам брэсцкай гімназіі № 5, ускладзены кветкі ў памяць аб гераічным подзвігу камсамольцаў ў гады вайны.


Затым дэлегацыя прыме ўдзел у працоўнай маладзёжнай акцыі “ЗаДело” у аграгарадку Ленінскі Жабінкаўскага раёна. Маладыя лідары зоймуцца добраўпарадкаваннем помніка на месцы расстрэлу 196 габрэяў — жыхароў Жабінкоўшчына.

Наступны прыпынак эстафета зробіць Кобрыне. Тут адбудзецца ўрачысты прыём у шэрагі маладзёжнага саюза і ўскладанне кветак у памяць пра партызан, камсамольцаў-падрыўнікоў, якія вялі “рэйкавую вайну” на тэрыторыі Кобрынскага раёна.

Даведка. Надпіс на помніку абвяшчае: “У 1943-44 гг. на чыгунцы паміж Кобрынам і Пінскам партызанамі было спушчана пад адхон 398 варожых эшалонаў з жывой сілай і тэхнікай. У гонар гераічных подзвігаў партызан у гады Вялікай айчыннай вайны ад камсамольцаў і моладзі г. Кобрын. 1983 г.”

Сустрэча маладзёжных пакаленняў адбудзецца ва ўрочышчы Акуніна на месцы дыслакацыі партызанскай брыгады Пінскага злучэння. Да 70-годдзя Вялікай Перамогі навучэнцамі Махроўскай сярэдняй школы пабудавана новая зямлянка, раскапаны партызанскі калодзеж і акоп, расчышчана тэрыторыя, складзены план і расстаўлены шыльды, зроблены макет лагера. Зараз вядзецца праца па стварэнні пастаянна-дзеючай экспазіцыі і экскурсійнага маршруту з мэтай захавання памяці пра гераічнае мінулае землякоў.

Даведка. На месцы дыслакацыі партызанскага атрада і брыгады ў 1975 годзе быў устаноўлены памятны знак-стэла і пабудавана зямлянка. У верхняй частцы стэлы ўмацавана дошка з надпісам: “Тут размяшчаўся ў 1943-1944 гадах штаб Пінскай партызанскай брыгады. Камандзір Шубіцідзе І.Г., камісар Пратасеня А.З., нач.штаба Дораш Г.А.”.

Удзельнікі эстафеты таксама наведаюць Махроўскі народны гісторыка-краязнаўчы музей у аднайменнай школе, карцінную галерэю Аляксея Кузьміча, раённы музейны комплекс ім. Н. Арды.

З 24 верасня па 29 кастрычніка мерапрыемствы эстафеты пакаленняў пройдуць ва ўсіх рэгіёнах Брэсцкай вобласці.

Сяргей РАСОЛЬКА

Выбар рэдакцыі

Спорт

Фігурыст Юрый Гуліцкі: Думаю, турнір у Мінску будзе класны

Фігурыст Юрый Гуліцкі: Думаю, турнір у Мінску будзе класны

У дваццатых чыслах студзеня ў Мінску ўпершыню пройдзе маштабны турнір па фігурным катанні.

Грамадства

Дзе шукаць рэчы, забытыя ў грамадскім транспарце

Дзе шукаць рэчы, забытыя ў грамадскім транспарце

​Кожны з нас хоць раз у жыцці адчуваў сябе «машкай-разявашкай».

Калейдаскоп

На «Песні года Беларусі» артысты прызнаваліся ў любові да родных мясцін

На «Песні года Беларусі» артысты прызнаваліся ў любові да родных мясцін

У мінулую пятніцу ў Мінску прайшоў заключны канцэрт «Песні года Беларусі».