Вы тут

Беларусь і Кітай у 2019 годзе сумесна правядуць Год адукацыі


Беларусь і Кітай у 2019 годзе сумесна правядуць Год адукацыі. Аб гэтым заявіў прэм'ер-міністр Беларусі Сяргей Румас сёння на сустрэчы з членам Пастаяннага камітэта Палітбюро Цэнтральнага камітэта Кампартыі Кітая, сакратаром Цэнтральнай камісіі КПК па праверцы дысцыпліны Чжаа Лэцзі.


"2019 год стане Годам адукацыі ў Беларусі і Кітаі. Лічу, адкрыццё ў Беларусі кампуса аднаго з вядучых кітайскіх універсітэтаў павінна стаць добрым рэзультатам нашай сумеснай работы", - сказаў Сяргей Румас. 

Прэм'ер-міністр адзначыў паспяховую практыку правядзення тэматычнага года ў двухбаковых адносінах. Галоўны рэзультат правядзення Года турызму Беларусі ў Кітаі ў 2018 годзе - гэта падпісанае ў Цындаа пагадненне аб узаемным бязвізавым рэжыме для грамадзян дзвюх краін.

Сяргей Румас павіншаваў Чжаа Лэцзі з надыходзячым дзяржаўным святам - Днём абвяшчэння Кітайскай Народнай Рэспублікі, што адзначаецца 1 кастрычніка. Прэм'ер-міністр таксама падкрэсліў, што ўрад Беларусі ўдзяляе вялікую ўвагу развіццю эканамічных адносін з Кітаем.

У сваю чаргу Чжаа Лэцзі адзначыў, што двухбаковыя адносіны маюць здаровую і стабільную тэндэнцыю развіцця. "Кітай і Беларусь - добрыя сябры і партнёры, якія пастаянна аказваюць адзін аднаму шчырую дапамогу. Пад стратэгічным кіраўніцтвам кіраўнікоў дзвюх дзяржаў адносіны ўступілі ў новы этап стратэгічнага партнёрства, для якога характэрны ўзаемны давер і выгада", - дадаў ён.

БЕЛТА

Выбар рэдакцыі

Калейдаскоп

Вясёлыя гісторыі чытачоў

Вясёлыя гісторыі чытачоў

Пра куфэрак и вяртанне блуднага мужа.

Грамадства

Андрэй Кароль: Студэнтаў трэба задзейнічаць у кухні па «прыгатаванні» ведаў

Андрэй Кароль: Студэнтаў трэба задзейнічаць у кухні па «прыгатаванні» ведаў

Рэктар БДУ пра нешаблоннае мысленне, эўрыстычнае навучанне і адмаўленне ад маналогу.

Грамадства

Пераможца «Жанчыны года-2018»: З трыма дзецьмі можа справіцца кожная пара

Пераможца «Жанчыны года-2018»: З трыма дзецьмі можа справіцца кожная пара

Тры гады таму прозвішча Трыкоза ўжо было на слыху.