Восеньскі сезон кірмашоў распачаўся ў краіне яшчэ 15 верасня: на 197 пляцоўках па ўсіх раёнах арганізаваны выязны гандаль. Самыя масавыя пройдуць у Мінску каля Палаца спорту і «Чыжоўка-Арэны» з 22 верасня.
— Першай свой ураджай пакажа Гродзенская вобласць, — расказала намеснік начальніка галоўнага ўпраўлення гандлю і паслуг Мінгарвыканкама Вольга Гаўрыльчык.
— Цэнтральнай стане пляцоўка каля Палаца спорту. З 9.00 да 16.00 Гродзенскі мясакамбінат, Дзятлаўскі сыраробны завод, Шчучынскі масласырзавод, ААТ «Навагрудскія дары», «Гроднахлебпрам» і іншыя прадпрыемствы рэгіёна, рыбаводныя і сялянска-фермерскія гаспадаркі, арганізацыі спажывецкай кааперацыі прадставяць тут сваю прадукцыю.
Мінчане змогуць набыць агародніну і садавіну ўраджаю 2018 года, кансервы, малочныя прадукты, мяса, каўбасныя вырабы, рыбу, мёд, нехарчовыя тавары. Пакупкі ўдзельнікам Вялікай Айчыннай вайны, інвалідам І групы, грамадзянам, старэйшым за 80 гадоў, даставяць дадому бясплатна. Валанцёры БРСМ не адмовяць і астатнім людзям у сталым узросце, якім будзе цяжка данесці пакупкі да прыпынку ці да дома. 29 і 30 верасня кірмашовыя гандлёвыя рады разгорнуцца на паркоўцы каля «Чыжоўка-Арэны» і збяруць вытворцаў сельгаспрадукцыі Магілёўскай вобласці. 6—7 кастрычніка прадставіць сваю прадукцыю Мінская вобласць, 13—14 — Брэсцкая, праз тыдзень — Гомельская, а там і Віцебская. 3—4 лістапада будуць прадстаўлены ўсе рэгіёны краіны. Вытворцы абяцаюць, што іх цэны будуць ніжэйшыя, чым у крамах.
Адметным сёлета з'яўляецца і тое, што ўпершыню свае вырабы змогуць прадставіць звычайныя жахары. Яны парадуюць пакупнікоў хлебабулачнай прадукцыяй, паведамляюць у Мінгарвыканкаме.
Маргарыта ГАЙДАРЖЫ
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
