На беларускіх тэлеканалах павінна быць больш праграм айчыннай вытворчасці. Такое меркаванне выказаў сёння ў час сустрэчы з выкладчыцкім і студэнцкім актывам Магілёўскага дзяржаўнага ўніверсітэта ім. А.А. Куляшова міністр інфармацыі Беларусі Аляксандр Карлюкевіч.
"Мы ўвялі паняцце нацыянальнага тэлевізійнага прадукту. На тэлебачанні ён павінен прысутнічаць у пэўнай прапорцыі. Рух у гэтым напрамку будзе паступальным. Мяркуецца, што на першым этапе, ці праз два гады з моманту прыняцця змяненняў у закон аб СМІ, на тэлеканалах павінна быць не менш 30% айчынных праграм", - сказаў міністр інфармацыі.
"Выпрацоўваючы дадзеную пазіцыю, мы арыентаваліся на фарміраванне айчыннага медыярынку. Наша тэлебачанне павінна быць больш цікавым і развівацца на лепшых сусветных прыкладах", - падкрэсліў Аляксандр Карлюкевіч.
Як мы бярозавік куплялі на гандлёвай пляцоўцы лясгаса і ў лясніцтве
Творчая вечарына народнага артыста Беларусі прайшла ў адной з мінскіх гімназій.