Вы тут

Цікавыя навіны з-за мяжы


Слугі для «камфортнага» студэнцкага жыцця

Дачка мільярдэра з Індыі, якая паступіла ва ўніверсітэт у Брытаніі, абвясціла аб наборы на работу 12 слуг, якія павінны дапамагчы ёй «палегчыць» вучэбнае жыццё, паведамляе The Sun.

Выданне сцвярджае, што дзяўчына, імя якой не называецца, паступіла ў Сент-Эндрускі ўніверсітэт у Шатландыі. Бацька купіў ёй асабняк, каб студэнтцы не прыйшлося жыць у інтэрнаце. Сям'я дзяўчыны шукае 12 работнікаў на пасады шэф-кухара, пакаёўкі, шафёра і іншых прадстаўнікоў сферы абслугоўвання. Будучыя супрацоўнікі, у прыватнасці, будуць сачыць за часам прабуджэння студэнткі, складаць зручны графік, закупляць прадукты і кантраляваць гардэроб. Аб'ява аб наборы персаналу была апублікавана ад імя рэкрутынгавага агенцтва Sіlver Swan. У ёй значылася, што заробак слуг складзе каля 30 тысяч фунтаў стэрлінгаў штогод. Прадстаўнікі агенцтва адмовіліся ад каментарыяў.


Прадаўшчыца ласавалася казённай вяндлінай

Супрацоўніца прадуктовай крамы ў ЗША гадамі бясплатна ела вяндліну з прылаўка і нарэшце папалася, паведамляе Assocіated Press.

Інцыдэнт адбыўся ў адной з крам гарадка Балівар, штат Агаё. Менеджар па ўрэгуляванні страт крамы заявіў, што жанчына практычна кожны дзень з'ядала ад трох да пяці кавалкаў вяндліны. Пра гэта яму паведаміў калега прадаўшчыцы. Часам яна частавалася і сыравэнджанай каўбасой. Намеснік шэрыфа акругі Браян Хейлі падлічыў, што за восем гадоў працы супрацоўніца скрала ежы на 9,2 тысячы долараў. Прадаўшчыца прызналася ва ўсім паліцыі, але пакуль ёй не былі прад'яўленыя абвінавачванні ў крадзяжы. Хейлі лічыць «малаверагодным», што гэта адбудзецца.

 


Мужчына хаваўся ў аэрапорце ад войска

Сірыец Хасан аль-Кантар пражыў у аэрапорце Куала-Лумпур у Малайзіі амаль паўгода, каб пазбегнуць службы ў войску, паведамляе NBC News.

Аль-Кантар паведаміў, што яго праблемы пачаліся, калі ён працаваў у Аб'яднаных Арабскіх Эміратах і сірыйская амбасада адмовілася падаўжаць яго пашпарт, таму што ён не пайшоў на ваенную службу. Пасля гэтага ён беспаспяхова спрабаваў трапіць у Малайзію, Эквадор і Камбоджу, аднак усе дзяржавы высылалі яго назад. З таго моманту ён пражыў у аэрапорце больш за 150 дзён.

Сірыец дзеліцца поспехамі свайго пражывання ў аэрапорце ў сацыяльных сетках. Некаторыя карыстальнікі параўналі яго з героем Тома Хэнкса ў фільме «Тэрмінал» (галоўны герой Віктар Наварскі затрымаўся ў аэрапорце, калі на яго радзіме адбыўся дзяржаўны пераварот). Цяпер некалькі арганізацый у Малайзіі спрабуюць вырашыць яго праблему, а канадцы пачалі падпісваць петыцыю аб тым, каб прыняць аль-Кантара як бежанца.


Зяць скраў мёртвую цешчу з морга

У брытанскім горадзе Рочэстэр, графства Кент, муж употай ад жонкі скраў цела цешчы з морга, паведамляе выданне Daіly Mіrror.

Мужчына сцвярджае, што яго больш зацікавіла адсутнасць уладальніцы пахавальнага бюро, якое займалася арганізацыяй пахавання. Яна перастала адказваць на тэлефонныя званкі, сустрэцца з ёй асабіста таксама не ўдавалася. Паводле яго слоў, ён два дні не сыходзіў з аддзялення паліцыі, спрабуючы яе адшукаць, але ўсё было дарэмна. Калі да пахавання засталіся лічаныя дні, мужчына зразумеў, што трэба нешта рабіць. Ён з'явіўся ў пахавальнае бюро, знайшоў у моргу цела цешчы, пагрузіў яго на каляску і адвёз да арандаванага загадзя фургона. Затым мужчына вярнуўся назад і захапіў вопратку, якую яго жонка прыгатавала для памерлай. Хоць «выкраданне» адбывалася сярод белага дня, яго ніхто не спыніў.

Пасля гэтага мужчына адвёз цела і рэчы ў іншае пахавальнае бюро. «У мяне не было іншага выбару», — тлумачыць ён. Пахаванне прайшло паспяхова, а яго жонка так нічога і не даведалася.

Іван КУПАРВАС

Выбар рэдакцыі

Грамадства

Псіхолаг расказвае, як знайсці агульную мову з падлеткам

Псіхолаг расказвае, як знайсці агульную мову з падлеткам

Пераходны ўзрост не толькі выпрабоўвае на трываласць самога падлетка і яго бацькоў...

Грамадства

Час, адукацыя і заробак — тры праблемы шматдзетных маці. Як пераадольваць?

Час, адукацыя і заробак — тры праблемы шматдзетных маці. Як пераадольваць?

Памеры дзіцячых выплат бываюць нават большыя за заробак.

Грамадства

Як трэба бяспечна паводзіць сябе на лёдзе?

Як трэба бяспечна паводзіць сябе на лёдзе?

З першага зімовага лёду сёлета дадому не вярнуліся тры чалавекі.