БелАЗ сумесна з канадскай кампаніяй распрацуе электрасамазвал, паведаміў сёння журналістам генеральны дырэктар беларускага прадпрыемства Пётр Пархомчык.
"Падрыхтаваны сур'ёзны дакумент аб распрацоўцы, стварэнні электрасамазвала сумесна з канадскай кампаніяй. Мы па гэтым стартапе разлічваем атрымаць фінансаванне ад канадскага ўрада. Ужо ёсць спажывец - міжнародная горназдабыўная кампанія ArcelorMittal", - сказаў Пётр Пархомчык.
Ён таксама адзначыў, што праблема распрацоўкі такога самазвала ў тым, што існуючыя акумулятарныя батарэі даюць магчымасць самазвалу працаваць на працягу трох-чатырох гадзін пасля зарадкі. "Нам трэба, каб хаця б восем гадзін, потым самазвал падзарадзіўся на працягу 20-30 хвілін - і паехаў далей. Калі мы гэту задачу вырашым, то такая тэхніка будзе, - дадаў гендырэктар БелАЗа. - У расійскіх кар'ерах выкарыстоўваюцца ў асноўным электрычныя экскаватары. Нашы канкурэнты ўжо вырабляюць самазвалы, якія працуюць у шахтах пад зямлёй менавіта на акумулятарных батарэях".
ААТ "БелАЗ" - кіруючая кампанія холдынга "БелАЗ-Холдынг" - гэта прамысловая вытворчасць кар'ернага і спецыялізаванага транспарту з выкарыстаннем інавацыйных тэхналогій. За 70-гадовую гісторыю прадпрыемства выпушчана больш за 500 розных мадыфікацый кар'ерных самазвалаў і машын спецыяльнага прызначэння, сабрана 146 тыс. адзінак тэхнікі, геаграфія паставак налічвае 78 краін.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!
