Вы тут

Ідзе прызыў запаснікоў


З 24 верасня ва Узброеных Сілах праводзіцца другі этап комплекснай праверкі. Яна скіравана на тэставанне гатоўнасці і здольнасці злучэнняў і воінскіх часцей выконваць задачы па прызначэнні. Пра гэта паведамілі ў прэс-службе Міністэрства абароны.


650 ваеннабавязаных з запасу на працягу некалькіх сутак будуць прызваны ва ўпраўленне аднаго са злучэнняў рэзерву, а таксама ў падраздзяленні 46-га арсенала і 8-й брыгады радыяцыйнай, хімічнай і біялагічнай абароны. Таксама туды паступяць каля 20 адзінак тэхнікі. Акрамя таго, працягваецца атрыманне матэрыяльных сродкаў са складоў і баз захоўвання.

Праверка дазволіць вызначыць узровень зладжанасці органаў кіравання, здольнасць камандзіраў кіраваць падначаленымі воінскімі часцямі і падраздзяленнямі ў розных умовах абстаноўкі, а таксама вызначыць магчымасць падраздзяленняў выконваць пастаўленыя задачы ў складаных умовах.

Кіруе мерапрыемствамі начальнік Генеральнага штаба Узброеных Сіл — першы намеснік міністра абароны Рэспублікі Беларусь Алег Белаконеў. Праверка скончыцца правядзеннем штабных трэніровак і тактыка-спецыяльных вучэнняў.

Валяр'ян ШКЛЕННІК

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».