Вы тут

МАРГ прапануе абмеркаваць змяненні ва ўказ аб ільготах для бізнесу ў вёсцы


Міністэрства антыманапольнага рэгулявання і гандлю з улікам прапаноў, выпрацаваных створанай пры ім рабочай групай, падрыхтавала і вынесла на грамадскае абмеркаванне праект указа "Аб стварэнні дадатковых умоў для развіцця гандлю, грамадскага харчавання і бытавога абслугоўвання". Такая інфармацыя размешчана на сайце МАРГ.


Праект дакумента падрыхтаваны ў мэтах далейшага стымулявання дзелавой актыўнасці, развіцця гандлю, грамадскага харчавання і бытавога абслугоўвання ў сельскай мясцовасці. Ён прадугледжвае ўнясенне змяненняў ва ўказ ад 22 верасня 2017 года нумар 345 "Аб развіцці гандлю, грамадскага харчавання і бытавога абслугоўвання насельніцтва".

Згодна з праектам дакумента, перыяд прадастаўлення льгот і прэферэнцый прапануецца прадоўжыць да канца 2030 года. Таксама змяненні ва ўказ прадугледжваюць уключэнне рознічнага гандлю, грамадскага харчавання і аказання бытавых паслуг у пералік прыярытэтных відаў дзейнасці для ажыццяўлення інвестыцый, аптымізацыю асартыментных пералікаў для рознічных гандлёвых аб'ектаў у вёсцы ў частцы нехарчовых тавараў, магчымасць кампенсацыі транспартных расходаў, звязаных з дастаўкай тавараў аўтамагазінамі ў сельскія населеныя пункты, удасканаленне механізма прадастаўлення падатковых ільгот. Прадугледжваецца, што гэтыя льготы будуць прадастаўляцца арэндадаўцам капітальных збудаванняў у сельскай мясцовасці, якія з'яўляюцца гандлёвымі аб'ектамі, аб'ектамі грамадскага харчавання, аб'ектамі бытавога абслугоўвання.

Праект дакумента таксама прадугледжвае ўсталяванне льготных тарыфаў на электрычную энергію для рознічных гандлёвых аб'ектаў і аб'ектаў грамадскага харчавання ў вёсцы. Акрамя таго, плануецца падоўжыць устаноўленыя заканадаўствам тэрміны аплаты за пастаўленыя харчовыя тавары на 20 каляндарных дзён для такіх аб'ектаў.

З тэкстам праекта ўказа, а таксама абгрунтаваннем да яго можна азнаёміцца ў раздзеле "Заканадаўства / Грамадскае абмеркаванне праектаў" на сайце МАРГ.

Выбар рэдакцыі

Грамадства

Як выхаваць даследчыка за школьнай партай?

Як выхаваць даследчыка за школьнай партай?

Чаму ўсе краіны, якія развіваюць інавацыйную эканоміку, робяць сёння стаўку на STЕM? 

Грамадства

Ці набудуць у гаспадароў старыя хаты?

Ці набудуць у гаспадароў старыя хаты?

Адэльскі сельскі савет, што ў Гродзенскім раёне, можна назваць брамай у Еўрасаюз.