Вы тут

Стартаваў ХV адкрыты рэспубліканскі агляд-конкурс прафесійнага майстэрства


Стартаваў ХV адкрыты рэспубліканскі агляд-конкурс прафесійнага майстэрства супрацоўнікаў Дэпартамента аховы МУС Рэспублікі Беларусь.


Восем камандаў з прадстаўнікоў шасці абласных, Мінскага гарадскога ўпраўленняў, упраўлення па ахове дыпламатычных прадстаўніцтваў і консульскіх устаноў замежных дзяржаў змагаюцца за званне найлепшых па шэрагу намінацый. Змагацца ёсць за што. Каманда-пераможца атрымае галоўны прыз — новы службовы аўтамабіль.

Гасцямі агляду-конкурсу сталі прадстаўнікі галоўнага ўпраўлення аховы МУС Рэспублікі Узбекістан і прадстаўнікі Цэнтральнай акругі войскаў нацыянальнай гвардыі Расійскай Федэрацыі.

У прывітальным слове начальнік Дэпартамента аховы МУС генерал-маёр міліцыі Сяргей Хаменка заўважыў:

— Асноўная мэта агляду-конкурсу — не першае месца. Галоўнае, каб кожны з прысутных забяспечыў спакой на тэрыторыі нашай роднай зямлі. Я назваў бы гэтыя спаборніцтвы, калі праводзіць аналогію са спортам, Лігай чэмпіёнаў сярод найлепшых супрацоўнікаў Дэпартамента аховы МУС. Адным з дэвізаў нашай службы з'яўляецца выраз «Ваша бяспека — наша праца». Гэты зварот — да тых людзей, якія жывуць побач з намі. І ў гэтых словах —
аператыўнасць рэагавання на любыя сітуацыі, якія могуць узнікнуць у нашых грамадзян.

Праграма агляду-конкурсу вельмі насычаная і цікавая. Конкурс будзе доўжыцца чатыры дні. Ужо ў першы дзень навыкі і ўменні прадэманстравалі кінолагі разам са сваімі чатырохногімі гадаванцамі. Яны на хуткасць пераадольвалі паласу перашкод, а таксама ўдзельнічалі ў затрыманні ўмоўнага зламысніка.

Акрамя таго, удзельнікаў спаборніцтва чакаюць такія дысцыпліны, як спецыяльны курс дрэсіроўкі службовых сабак (следавая работа), дэманстрацыя тэхнікі валодання баявымі прыёмамі барацьбы і хуткаснае манеўраванне аўтамабіляў. Будзе таксама экзамен па медыцынскай падрыхтоўцы, выбарка службовымі сабакамі рэчаў і чалавека. Завершыць апошні дзень агляду-конкурсу самае, напэўна, відовішчнае спаборніцтва — камбінаваная міліцэйская эстафета.

Сяргей КУЛАКОЎ

Фота Кастуся ДРОБАВА

Выбар рэдакцыі

Грамадства

Як у Беларусі трансплантуюць органы

Як у Беларусі трансплантуюць органы

І чаму да нас на аперацыі едуць замежнікі.

Грамадства

Карэспандэнты «Звязды» наведалі «Воўчыя норы»

Карэспандэнты «Звязды» наведалі «Воўчыя норы»

Там адбываюць пакаранне мужчыны, упершыню асуджаныя за незаконны абарот наркотыкаў.

Спорт

Аляксандра Герасіменя: У кожнага свой рэцэпт поспеху

Аляксандра Герасіменя: У кожнага свой рэцэпт поспеху

Аляксандра Герасіменя — сапраўдны баец, а яшчэ — клапатлівая маці і жонка. І проста працавіты чалавек, які не ведае перашкод.