Вы тут

На М6 адкрываецца абноўлены ўчастак трасы


Уводзіцца ў эксплуатацыю першы ўчастак працягласцю 13,3 кіламетра на тэрыторыі Шчучынскага раёна аўтамагістралі М6, якая зараз рэканструюецца. Усяго рэканструкцыяй ахоплена больш за 153 кіламетры М6, з якіх 120 — у Гродзенскай вобласці. Цалкам абноўленую магістраль гродзенцы ўвядуць у эксплуатацыю да 7 лістапада.


Па інфармацыі РУП «Гроднааўтадар», дарога з дзвюх палос пашырылася да чатырох, на раздзяляльнай паласе ўстаноўлены жалезабетонныя блокі, якія прадухіляць лабавыя сутыкненні. Для павышэння бяспекі дарожнага руху пабудавана 10,5 кіламетра пешаходных дарожак. Па іх могуць спакойна ехаць і веласіпедысты. Для прадухілення выхаду лясных жывёл на праезную частку на ўсім працягу гэтага ўчастка ўстаноўлены агароджы з металічнай сеткі, для іх пабудаваны падземны пераход. Месца яго ўладкавання пад дарогай вызначылі вучоныя НАН Беларусі сумесна з леснікамі і паляўнічымі.

Уся дарожная разметка выканана з тэрмапластыку, абсталяваны шумавыя палосы ў найбольш аварыйна-небяспечных месцах. Ва ўсіх прымыкаючых да магістралі населеных пунктах устаноўлены аўтапавільёны. Каля іх выканана пешаходная разметка, падведзена асвятленне.

Пра адпачынак кіроўцаў таксама падбалі: абсталяваныя дзве пляцоўкі. Дарэчы, адна мадэрнізавана, другая пабудавана. Каля гэтых пляцовак з'явілася магчымасць развіваць і прыдарожны сэрвіс.

Сяргей РАСОЛЬКА

Выбар рэдакцыі

Грамадства

Як сучасныя палешукі рыхтуюцца да свята Уваскрэсення Хрыстовага

Як сучасныя палешукі рыхтуюцца да свята Уваскрэсення Хрыстовага

Аўтар «Звязды» расказвае на прыкладзе сваёй сям'і.

Культура

ЗЕНА: Ад сцэны не стамляюся!

ЗЕНА: Ад сцэны не стамляюся!

Графік у артысткі вельмі насычаны.

Грамадства

Звыклыя выключнасці. Ці можна зразумець «лічбавае племя»?

Звыклыя выключнасці. Ці можна зразумець «лічбавае племя»?

Даследаванне «Пакаленне «Z» у пытаннях і адказах» было прадстаўлена падчас навуковага стэндапа, арганізаванага для навучэнцаў профільных педагагічных класаў у БДПУ.

Грамадства

Ежа ці сімвал? Самы час зацікавіцца роспісам яек

Ежа ці сімвал? Самы час зацікавіцца роспісам яек

Карэспандэнт «Звязды» схадзіла на майстар-клас па стварэнні «пісанак».