Вы тут

У Беларусі будуць прапаноўваць кватэры з паменшанай плошчай


Мінбудархітэктуры прапануе будаваць кватэры з паменшанай плошчай па больш даступных цэнах. Пра гэта паведаміў журналістам міністр архітэктуры і будаўніцтва Дзмітрый Мікулёнак, каментуючы праект стратэгіі развіцця будаўнічай галіны Беларусі да 2025 года, які абмяркоўваўся на пасяджэнні Прэзідыума Саўміна, паведамляе БелТА.


— Мы маем намер прапанаваць планіроўкі кватэр (такая задача ўжо стаіць), якія будуць аптымізаваны ў параўнанні з тым, што цяпер ёсць на рынку, каб максімальна аптымізаваць кошт самой кватэры. Гэта значыць, мінімум на 10—15 % паменшыць плошчу прапанаваных аднапакаёвых, двухпакаёвых, трохпакаёвых кватэр , — расказаў Дзмітрый Мікулёнак.

Адказваючы на пытанне аб прагнозе па сярэднім кошце квадратнага метра, міністр адзначыў, што ён будзе трымацца ў дыяпазоне сярэдняй зарплаты, як гэта назіраецца цяпер. Што датычыцца якасці работ, то, як лічыць Дзмітрый Мікулёнак, гэта не пытанне стратэгіі да 2025 года, а бягучае пытанне адказнасці ўсіх задзейнічаных у будаўніцтве.

Дзяржзабудоўшчыкі таксама будуць больш актыўна працаваць на рынку індывідуальнага жыллёвага будаўніцтва.

— Асноўныя пункты развіцця будаўнічай галіны — гэта арыентацыя на масавага спажыўца. Безумоўна, будзем змагацца за рынак індывідуальнага будаўніцтва. Там працуюць у асноўным прыватныя прадпрымальнікі, але мы маем намер адваяваць частку рынку, — заявіў міністр.

Адно з прапанаваных новаўвядзенняў — стварэнне электроннай базы будаўнічых аб'ектаў, што, паводле папярэдніх ацэнак, дапаможа скараціць дакументаабарот у два разы. Такая электронная сістэма акумулюе ўвесь дакументаабарот працэсу будаўніцтва (ад першапачатковых дазволаў на будаўніцтва да дакументаў на знос аб'екта). Гэта дазволіць у патрэбны момант пры рэканструкцыі, капрамонце знайсці неабходныя дакументы, што сёння бывае зрабіць праблематычна, растлумачыў Дзмітрый Мікулёнак.

Фота Анатоля КЛЕШЧУКА

Выбар рэдакцыі

Культура

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Беларускаму складніку Тахелеса прысвечаны арт-фестываль «Міфалагема тысячагоддзя», што адкрыўся ў прасторы Ок16 15 жніўня.

У свеце

Як развіваецца глабальнае супрацьстаянне ЗША і Кітая?

Як развіваецца глабальнае супрацьстаянне ЗША і Кітая?

Супярэчнасці ў адносінах паміж Вашынгтонам і Пекінам абвастраюцца, і іх можна смела называць гандлёвай вайной.

Грамадства

Якім павінен быць вучэбны дапаможнік у ХХІ стагоддзі?

Якім павінен быць вучэбны дапаможнік у ХХІ стагоддзі?

З 50 выданняў, якія павінны з'явіцца на школьных партах да 1 верасня, 48 ужо надрукаваныя.

Здароўе

Якія аперацыі беларускія афтальмолагі робяць пры катаракце, глаўкоме і іншых хваробах вачэй

Якія аперацыі беларускія афтальмолагі робяць пры катаракце, глаўкоме і іншых хваробах вачэй

Экзапратэзаванне арбіты не робіцца больш ні ў адной з краін СНД.