Вы тут

Цікавыя навіны з-за мяжы


Пекар любіў салодкае і дажыў да ста гадоў

Стагадовы англічанін расказаў, што дажыў да такога сталага ўзросту дзякуючы таму, што ніколі не адмаўляў сабе ў дэсерце, паведамляе Somerset County Gazette.

Леслі Хэймен з горада Ілмінстар, графства Сомерсет, з 12 гадоў працаваў у сямейнай кандытарскай, заснаванай яго дзедам. Ён з дзяцінства палюбіў выпечку і ніколі не адмаўляўся ад пачастунку. Мужчыну давялося зрабіць перапынак у працы толькі з-за Другой сусветнай вайны. Сваякі лічаць, што дажыць да ста гадоў Хэймену дапамаглі яго добры апетыт і здаровая вага. «У Леслі проста неверагодны апетыт. Ён ніколі не пакідае нічога на талерцы і яшчэ ні разу не адмовіўся ад дэсерту», — адзначыла яго 74-гадовая падчарка Джэніфер. Сын Хэймена Цім дадаў, што мужчына вядзе актыўны лад жыцця і ўсё яшчэ працуе ў садзе. Хэймен дагэтуль жыве ва ўласным доме ў асяроддзі сваякоў. Сваімі любімымі стравамі ён называе яблычны пірог, бісквіт і шакаладны браўні. Мужчына адзначыў стагоддзе 12 верасня разам са сваімі сябрамі і сваякамі: трыма дзецьмі, пяццю ўнукамі і дзесяццю праўнукамі.

Леслі Хеймен у пачатку сямейнага бізнесу, 1931 год.


Жонка таемна прадала дом з-за мужа-здрадніка

Аўстралійка даведалася пра здраду мужа і прадала іх агульны дом, пакуль муж быў у камандзіроўцы, паведаміў партал Whіmn.com.

Жанчына па імені Мэл прызналася, што ў яе шлюбе з Марці ўсё было добра, пакуль яго кампанія не адкрыла дадатковы офіс у Канадзе. Мужчына тыднямі прападаў у камандзіроўках, і адносіны паміж сужэнцамі сапсаваліся. З часам муж пачаў гадзінамі сядзець у камп'ютары, а таксама казаў жонцы, што ў яго шмат работы, і не меў стасункаў з ёй. Аднойчы ён заснуў з ноўтбукам, і Мэл выявіла, што яму прыйшло паведамленне ад іншай жанчыны. З перапіскі яна зразумела, што Марці жыве з ёй у Канадзе, і яны плануюць пажаніцца.

Мэл вельмі раззлавалася і вырашыла адпомсціць. Як толькі яе муж з'ехаў у камандзіроўку, яна звярнулася да рыэлтараў з просьбай прадаць дом як мага хутчэй. Нерухомасць была запісаная на жанчыну. Сама Мэл адправілася ў круіз з сяброўкамі і не ведае, як адрэагаваў яе муж, калі прыехаў дадому і выявіў там іншых гаспадароў. З гэтага моманту Марці больш не звязваўся з жонкай і канчаткова пераехаў у Канаду. Мэл адзначыла, што вырашыла расказаць гэтую гісторыю не з гонару за свой учынак, а каб «надаць сіл усім падманутым жанчынам».


Амерыканцы паляжаць у магілах дзеля грошай

Парк забаў у амерыканскім горадзе Сент-Луіс узнагародзіць чалавека, які пратрымаецца 30 гадзін у труне, паведамляе Daіly Maіl.

Спаборніцтва пройдзе 13 кастрычніка і прымеркавана да Хэлоўіна. Шэсць чалавек зачыняць у трунах. Супрацоўнікі парку будуць карміць удзельнікаў і адпускаць іх у прыбіральню, аднак адлучацца можна не больш чым на шэсць хвілін у гадзіну. У трунах маюцца зарадныя прылады для мабільнага тэлефона. Акрамя таго, у рабочыя гадзіны каля іх могуць
знаходзіцца знаёмыя ўдзельнікаў. Пераможца атрымае 300 долараў, астатніх удзельнікаў узнагародзяць абанементамі на наведванне парку ў 2019 годзе і білетамі на атракцыёны. Акрамя таго, пасля завяршэння конкурсу яны змогуць забраць труны сабе.

Іван КУПАРВАС

Выбар рэдакцыі

Грамадства

Як жывуць апошнія жыхары вёскі Вясневічы

Як жывуць апошнія жыхары вёскі Вясневічы

Галоўная славутасць Вясневічаў, яе жывая гісторыя — 96-гадовы Аляксей Юркевіч.

Культура

Наталля Батракова: Чытачы пішуць, што мае героі нібыта працуюць у суседнім офісе

Наталля Батракова: Чытачы пішуць, што мае героі нібыта працуюць у суседнім офісе

З Наталляй Батраковай мы сустрэліся на адкрыцці абноўленай кнігарні «Светач», што на сталічным праспекце Пераможцаў, 11. 

Калейдаскоп

Вясёлыя гісторыі чытачоў

Вясёлыя гісторыі чытачоў

Чакаем смешных гісторый і ад вас!