Вы тут

Прэзідэнт узяў удзел у саміце СНД


Самалёт беларускага лідара прызямліўся ў Душанбэ вечарам 27 верасня. У аэрапорце яго сустракалі прэм'ер-міністр Таджыкістана Кахір Расулзада, мэр Душанбэ Рустам Эмамалі і першы намеснік старшыні Выканаўчага камітэта СНД Віктар Гумінскі.


Фота БЕЛТА

Учора кіраўнік беларускай дзяржавы ўзяў непасрэдны ўдзел у саміце. На высокай сустрэчы Прэзідэнт Беларусі заклікаў да адзінства і сумесных дзеянняў унутры СНД на фоне разбурэння існуючай сістэмы міжнароднага гандлю. Аляксандр Лукашэнка падкрэсліў: нязменным прыярытэтам членства Беларусі ў СНД застаецца ўмацаванне эканамічнага супрацоўніцтва. Паводле яго слоў, пры гэтым з падачы Захаду безапеляцыйна, у аднабаковым парадку руйнуецца сістэма міжнароднага гандлю, якая ствараецца дзесяцігоддзямі, а выкарыстанне неправавых механізмаў ператвараецца ў норму і ставіць нашы эканомікі ў слабае становішча.

«Толькі разам мы зможам паспяхова супрацьстаяць гэтым новым выклікам. З аднаго боку, мы павінны аб'яднаць намаганні для сумеснай абароны інтарэсаў на глабальным рынку, — звярнуў увагу беларускі лідар. — З іншага — актывізаваць узаемны гандаль і інвестыцыі, пашыраць прамысловую кааперацыю. У цэлым — адказаць кансалідацыяй і павышэннем ролі Садружнасці як рэгіянальнага гульца».

На думку Прэзідэнта, зараз у членаў СНД адсутнічае агульнае бачанне і генеральны план развіцця Садружнасці, практычная стратэгія па інтэграцыі эканомік краін-удзельніц не створана. Ён нагадаў, што ў рамках адаптацыі Садружнасці да сучасных рэалій прыступілі да рэвізіі Канцэпцыі далейшага развіцця СНД. Кіраўнік беларускай дзяржавы прапанаваў даручыць урадам абнавіць у гэтым дакуменце эканамічны блок, паколькі ён можа стаць ідэалагічнай асновай для больш поўнага выкарыстання навукова-вытворчага і інвестыцыйнага патэнцыялу.

Акрамя таго, Аляксандр Лукашэнка выказаў меркаванне, што ўзаемадзеянне ў фармаце СНД павінна быць сінхранізавана з інтэграцыйнымі працэсамі ў Вялікай Еўразіі, асабліва ў рамках Шанхайскай арганізацыі супрацоўніцтва, а таксама з Еўразійскім эканамічным саюзам. Паводле яго слоў, варта вызначыць напрамкі для спалучэння магчымасцяў нашых краін з буйнымі міжнароднымі праектамі, у першую чаргу з эканамічным поясам Шаўковага шляху.

Яшчэ беларускі лідар прапанаваў даручыць выканаўчаму сакратару СНД Сяргею Лебедзеву і старшыні Калегіі Еўразійскай эканамічнай камісіі Тыграну Саркісяну актывізаваць падрыхтоўку да падпісання абноўленага мемарандума аб паглыбленні ўзаемадзеяння паміж ЕЭК і Выканкамам СНД.

Дарэчы, падчас пасяджэння Савета кіраўнікоў дзяржаў СНД Аляксандр Лукашэнка запрасіў замежных лідараў наведаць ІІ Еўрапейскія гульні, якія пройдуць у Мінску з 21 па 30 чэрвеня 2019 года.

Таксама на палях саміту кіраўнік беларускай дзяржавы правёў шэраг двухбаковых сустрэч з замежнымі лідарамі. У аб'ектывы камер трапіла сустрэча з Прэзідэнтам Малдовы Ігарам Дадонам. Абмеркавалі стан гандлёва-эканамічнага супрацоўніцтва, рэалізацыю ранейшых дамоўленасцяў і перспектыўныя напрамкі для развіцця ўзаемадзеяння.

Па выніках Аляксандр Лукашэнка коратка пагутарыў з прадстаўнікамі расійскага тэлебачання і распавёў, што пытанне бяспекі было цэнтральнае на пасяджэнні Савета кіраўнікоў дзяржаў СНД, асабіста гэты аспект Прэзідэнт абмеркаваў з Уладзімірам Пуціным. Ён дадаў, што ў сферы бяспекі ўплываюць і іншыя фактары, у тым ліку ваенныя.

Паводле БелТА

Загаловак у газеце: Сіла — у адзінстве

Выбар рэдакцыі

Калейдаскоп

Каля 150 спартсменаў-аматараў хочуць выступіць у «даеўрапейскіх гульнях»

Каля 150 спартсменаў-аматараў хочуць выступіць у «даеўрапейскіх гульнях»

Трэніроўкі і здымкі ўдзельнікаў пачнуцца ў красавіку.

Грамадства

Сувораўскае вучылішча вачыма яго навучэнцаў

Сувораўскае вучылішча вачыма яго навучэнцаў

Быць сувораўцам ва ўсе часы было прэстыжна. 

Культура

Харвацкі кінафестываль ZаgrеbDох даследуе рэгіён вялікім экранам

Харвацкі кінафестываль ZаgrеbDох даследуе рэгіён вялікім экранам

Балканскія краіны паўсталі перад гледачом з іх надзённым.