Вы тут

Беларусь гатова ўдзельнічаць у плане індустрыялізацыі Таджыкістана


Прэзідэнт Беларусі Аляксандр Лукашэнка пацвярджае гатоўнасць беларускага боку прыняць актыўны ўдзел у плане індустрыялізацыі Таджыкістана. Пра гэта ён заявіў сёння на сустрэчы з Прэзідэнтам Таджыкістана Эмамалі Рахмонам, перадае БЕЛТА.


Фота: БЕЛТА

"Мы гатовыя ўдзельнічаць у вашым плане мадэрнізацыі, індустрыялізацыі краіны і ўнесці той уклад, які патрэбен для Таджыкістана, выканаць тую працу, пра якую мы дамовіліся ў маі (у ходзе афіцыйнага візіту Прэзідэнта Беларусі ў Таджыкістан. - Заўвага БЕЛТА)", - заявіў беларускі лідар.

Кажучы аб сумеснай вытворчасці трактарнай тэхнікі ў горадзе Гісар, Аляксандр Лукашэнка падкрэсліў, што Беларусь поўная рашучасці выканаць свае абавязацельствы. "Больш за тое, мне сказалі, што сёння мы прададзім 300 трактароў беларуска-таджыкскай вытворчасці ў Афганістан. Тое, што мы і планавалі, марылі, што будзем працаваць на бліжэйшыя краіны", - адзначыў Прэзідэнт.

Кіраўнік беларускай дзяржавы таксама падзякаваў Таджыкістану за ветлівасць і цеплыню, адзначыўшы, што гэта сказана зусім не для пратаколу. "Дзякуй вам за тую ветлівасць і цеплыню, з якой вы асабіста і вашы людзі прымаюць тут нас. Са мной прыехалі звычайныя людзі, якія мяне суправаджаюць. Учора хадзілі па Душанбэ і адзначылі, што таджыкі падобныя да беларусаў - ветлівыя, прымаюць, гатовыя праводзіць куды заўгодна, як толькі пачуюць, што мы з Беларусі. Вось гэта галоўнае. Нам з табой удалося стварыць атмасферу не проста нармальных зносін народаў, а ветлівасці адзін да аднаго. Такое стаўленне будзе і да таджыкаў у нашай краіне", - сказаў беларускі лідар.

Эмамалі Рахмон заявіў, што дамоўленасці, дасягнутыя ў ходзе афіцыйнага візіту кіраўніка беларускай дзяржавы ў маі бягучага года, паспяхова рэалізуюцца, нададзены магутны імпульс двухбаковым адносінам. "Сёння адкрываем завод (у Гісары. - Заўвага. БЕЛТА) у поўным аб'ёме", - адзначыў ён.

Прэзідэнт Таджыкістана распавёў аб рэалізацыі іншых дамоўленасцей, у прыватнасці ў сферы садаводства. Спецыялісты дзвюх краін ужо кантактавалі на гэтую тэму, сумесная праца працягваецца.

Таджыкскі лідар таксама прадэманстраваў Прэзідэнту Беларусі залы ў Палацы Нацыі, якія ўпрыгожаны драўлянай разьбой ручной працы ў нацыянальным стылі. Аляксандр Лукашэнка даў высокую ацэнку рабоце таджыкскіх майстроў. "Гэта не проста прыгожа, гэта дзівосная праца", - сказаў ён. Эмамалі Рахмон паабяцаў, што пры неабходнасці Таджыкістан гатовы падзяліцца вопытам і выканаць падобныя працы ў Беларусі.

Супрацоўніцтва паміж Беларуссю і Таджыкістанам носіць дружалюбны і партнёрскі характар. Аляксандр Лукашэнка тройчы здзяйсняў афіцыйныя візіты ў Таджыкістан - у 2000 2011 і 2018 гадах. У сваю чаргу Эмамалі Рахмон наведваў Беларусь з афіцыйнымі візітамі ў 2001 і 2014 гадах, а ў 2017 годзе ў Мінску адбыліся перамовы кіраўнікоў дзяржаў у рамках рабочага візіту таджыкскага лідара ў Беларусь.

У 2017 годзе тавараабарот паміж дзвюма краінамі склаўся ў аб'ёме $42,9 мільёнаў долараў і ў параўнанні з 2016 годам павялічыўся больш чым у 2 разы. У тым ліку беларускі экспарт склаў $39,6 млн. 

На таджыкскай тэрыторыі дзейнічаюць суб'екты тавараправоднай сеткі больш за 15 беларускіх прадпрыемстваў. У лістападзе 2017 года пачала працу першая зборачная вытворчасць беларускай сельгастэхнікі ў горадзе Гісар.

Паміж краінамі таксама рэалізуецца праграма эканамічнага супрацоўніцтва на перыяд да 2020 года.

Выбар рэдакцыі

Культура

Акцёр Віктар Манаеў: Жыццё само па сабе з'яўляецца камедыяй

Акцёр Віктар Манаеў: Жыццё само па сабе з'яўляецца камедыяй

Размова пра сучаснае стаўленне да культуры, гастролі Купалаўскага тэатра ў савецкія часы і здымкі ў фільме «Ідзі і глядзі».

Грамадства

Зваршчык з Мсціслава стварае ўнікальныя жалезныя скульптуры

Зваршчык з Мсціслава стварае ўнікальныя жалезныя скульптуры

Аляксандра Папова ў Мсціславе ведаюць усе.

Калейдаскоп

Вясёлыя гісторыі чытачоў

Вясёлыя гісторыі чытачоў

Пра куфэрак и вяртанне блуднага мужа.