Вы тут

У «Вялікім камені» адкрыўся пункт мытнага афармлення


Развіццё транспартных калідораў і ўдасканаленне лагістычнай інфраструктуры ў Беларусі з удзелам кітайскіх кампаній з'яўляецца прыярытэтнай задачай. Пра гэта паведаміў кіраўнік спраў Прэзідэнта Віктар Шэйман падчас урачыстай цырымоніі адкрыцця пункта мытнага афармлення ў індустрыяльным парку «Вялікі камень».


«Наша краіна для Кітая — правераны часам, стабільны і надзейны партнёр у Еўрапейскім рэгіёне. Гэта мерапрыемства пацвярджае гатоўнасць Беларусі напаўняць ініцыятыву Шаўковага шляху канкрэтнымі праектамі — транспартнымі, лагістычнымі, інфраструктурнымі», — адзначыў Віктар Шэйман.

Паводле яго слоў, пункт мытнага афармлення (ПМА) «Вялікі камень» уяўляе сабой высокатэхналагічны аб'ект, які адпавядае ўсім сучасным міжнародным патрабаванням. У ПМА створаны ўсе ўмовы для камфортнага мытнага афармлення грузаў. На пачатковым этапе ў зоне мытнага кантролю адначасова могуць знаходзіцца 125 грузавых аўто. Плануецца, што прайсці працэдуру мытнага афармлення ў ПМА змогуць не менш за 20 тысяч аўтамабіляў у год.

«Ужо пачалася работа над перспектыўнымі праектамі па пашырэнні складской інфраструктуры, лагістычнай зоны парка, будаўніцтве рабатызаванага тэрмінала», — дадаў Віктар Шэйман.

У сваю чаргу старшыня Дзяржаўнага мытнага камітэта Юрый СЯНЬКО паведаміў, што ў «Вялікім камені» ёсць магчымасць апрацоўкі тавараў, якія будуць прыбываць як аўтамабільным, так і авіяцыйным транспартам, бо побач знаходзіцца Нацыянальны аэрапорт Мінск. У перспектыве будуць апрацоўвацца і тыя грузы, якія перавозяцца па чыгунцы.

На тэрыторыі ПМА размешчаны склад часовага захоўвання і мытны склад. Плошча кожнага з іх складае пяць тысяч квадратных метраў. Ёсць магчымасці пашырэння як зоны мытнага кантролю, так і складскіх памяшканняў.

Адкрыццю новага пункта мытнага афармлення папярэднічалі канструктыўныя перагаворы і падпісанне пагадненняў з кіраўніцтвам мытнай службы КНР, правядзенне шэрагу сустрэч і мерапрыемстваў на тэрыторыі Кітая і Беларусі, дасягненне дамоўленасцяў аб інфармацыйным абмене, супрацоўніцтве па ўсіх кірунках мытнай справы.

Для ПМА прадугледжана шырокая спецыялізацыя па ажыццяўленні мытных аперацый. Тут будуць афармляцца тавары, што перамяшчаюцца аўтамабільным транспартам; тавары, што змяшчаюцца пад мытную працэдуру свабоднай мытнай зоны; вылічальныя машыны, камп'ютары, тэлефоны, тэлевізары і іншыя.

Напярэдадні ў ПМА былі праведзены кантрольныя мерапрыемствы па тэсціраванні падачы і афармлення электронных мытных дакументаў. Сімвалічна, што адкрыццё мытнага тэрмінала супала з галоўным дзяржаўным святам Кітая — Днём утварэння КНР.

Ілья КРЫЖЭВІЧ

Фота БелТА

Загаловак у газеце: Паскарэнне руху на Шаўковым шляху

Выбар рэдакцыі

Грамадства

Карэспандэнт «Звязды» высвятляла, чаму так цёмна на асветленых вуліцах Магілёва

Карэспандэнт «Звязды» высвятляла, чаму так цёмна на асветленых вуліцах Магілёва

Вечарам прайсціся ўздоўж цэнтральнай вуліцы Першамайскай у Магілёве адно задавальненне.

Спорт

Баскетбаліст Бенджамін-Павел Дуду: У Гане мяне называлі белым

Баскетбаліст Бенджамін-Павел Дуду: У Гане мяне называлі белым

Мама Бена — беларуска, тата — ураджэнец Ганы.

Эканоміка

Куды звяртацца, калі грамадзяніну затрымліваюць зарплату?

Куды звяртацца, калі грамадзяніну затрымліваюць зарплату?

Адказ на гэта і іншыя пытанні — у гутарцы з Дзмітрыем Шаўчуком.