Вы тут

У стылі шасцідзясятых


Калі бываю на вясковых святах, назіраю, як канцэртныя пляцоўкі ўпрыгожваюць абрусамі, дыванамі і ручнікамі. Увішныя клубныя работнікі ў свой час паклапаціліся сабраць, а цяпер паказваюць аўтэнтычныя творы, маўляў, паглядзіце на нашу самабытнасць! Калі бачу такія стыхійныя выстаўкі каля сельскіх клубаў, прыгадваю колішніх фатографаў, якія нярэдка здымалі партрэты на фоне квяцістых дываноў і посцілак.


Нядаўна ў славутай Неглюбцы Веткаўскага раёна праходзіла свята «Кросенцы», на якое сабраліся і цяперашнія, і былыя (малая радзіма не хоча адпускаць) жыхары — ганаровыя госці, самадзейныя артысты. У скверы каля Цэнтра ткацтва красавалася класіка неглюбскага ткацтва. У гэты момант прыйшло рашэнне ператварыцца ў «колішняга» фатографа-партрэтыста і «ўвекавечыць» неглюбчан на фоне іхніх шэдэўраў. Так, я не агаварыўся — неглюбскае ткацтва ўзята пад ахову дзяржавы, яму надалі статус гісторыка-культурнай каштоўнасці. Міжволі падумалася: свята некалі скончыцца, а памяць, дзякуючы здымкам, застанецца назаўсёды. Вырашана — зроблена! Выбраў месца, паставіў услончык і пачаў здымаць.
Ахвотных набралася нямала. «Мадэлі» з задавальненнем уключаліся ў гульню, сядалі па адным, па двое, сур'ёзна глядзелі ў фотааб'ектыў, а часам і ўсміхаліся. Настрой на тварах адпавядаў настрою свята.

Час праляцеў імгненна, свята закончылася, ручнікі і дываны сталі здымаць. Антураж часовага фотаатэлье знік. А фотавыявы — засталіся! Сёння, гледзячы на гэтыя постаці, пераношуся ў расквечаны ад фарбаў неглюбскі сквер. І свята працягваецца!

Анатоль Кляшчук

Каментары

Прыгажосць!

Выбар рэдакцыі

Грамадства

Як у калоніі жывуць мамы з дзецьмі

Як у калоніі жывуць мамы з дзецьмі

Як гэта — бачыцца з дзецьмі па раскладзе.

Культура

Акцёр Віктар Манаеў: Жыццё само па сабе з'яўляецца камедыяй

Акцёр Віктар Манаеў: Жыццё само па сабе з'яўляецца камедыяй

Размова пра сучаснае стаўленне да культуры, гастролі Купалаўскага тэатра ў савецкія часы і здымкі ў фільме «Ідзі і глядзі».

Грамадства

Зваршчык з Мсціслава стварае ўнікальныя жалезныя скульптуры

Зваршчык з Мсціслава стварае ўнікальныя жалезныя скульптуры

Аляксандра Папова ў Мсціславе ведаюць усе.