Вы тут

«Мая Беларусь»: кніга падарожнічае па краіне


З адной кнігай — па ўсёй Беларусі. Пагадзіцеся, такі творчы праект заслугоўвае ўвагі і шырокай падтрымкі. Калі, безумоўна, кніга таго вартая.


Сустрэча з пісьменнікам лаўрэатам Дзяржаўнай прэміі Рэспублікі Беларусь Уладзімірам Ліпскім прайшла ў Рэчыцы. Школьнікі, моладзь адкрылі для сябе новую кнігу аўтарытэтнага ў краіне і паважанага чытачамі літаратара — «Мая Беларусь», на старонках якой змешчаны прызнанні ў любві Айчыне, нашай Бацькаўшчыне, на старонках якой празаік выбудоўвае эмацыянальны па сваёй напружанасці, узнёсласці, паэтычны, сардэчны, душэўны дыялог з падрастаючым пакаленнем. Уладзімір Ліпскі ў нарысавай, эсэістычнай форме дзеліцца сваімі думкамі, развагамі пра веліч Беларусі, разважае пра будучыню і сучаснасць нашай краіны. Падкрэслівае, якія багатыя і трывалыя гістарычныя, асветніцкія традыцыі засталіся нам, беларусам, з мінулых стагоддзяў.

Падтрымку ў правядзенні сустрэчы, прэзентацыі аказала выдавецтва «Адукацыя і выхаванне», дзе і выйшла новая кніга Уладзіміра Ліпскага. Мерапрыемства ў Рэчыцы прайшло ў межах творчай акцыі, якую ладзіць па ўсёй краіне рэдакцыя самага тыражнага дзіцячага часопіса краіны — «Вясёлка». Вось што з гэтай нагоды зазначае намеснік галоўнага рэдактара часопіса публіцыст Анастасія Радзікевіч:

— Кніга «Мая Беларусь» уражвае як зместам, так і мастацкім афармленнем. У тандэме, калі так можна выказацца, з Уладзімірам Сцяпанавічам працаваў таленавіты кніжны графік Віталь Дударэнка. Сустрэча з чытачамі на Гомельшчыне, у Рэчыцы, чарговы раз пераканала нас, што кніга тады шырэй ідзе да дзяцей і дарослых, калі ёсць жывы камунікат, калі ўсе бачаць, слухаюць аўтара. Уладзімір Ліпскі — жаданы госць у любой аудыторыі. І канешне ж, мы ўсямерна, разлічваючы на падтрымку і ўстаноў адукацыі, і школьных бібліятэк, праедзем з акцыяй «Мая Беларусь: пісьменнікі — дзецям» па ўсёй краіне. Гэты творчы, кніжны, літаратурны і патрыятычны праект — яскравая нагода пагаварыць пра розныя важкія каштоўнасці жыцця. Дарэчы, у той самы час, як і ў Рэчыцы, акцыя «Мая Беларусь: пісьменнікі — дзецям» прайшла і на Берасцейшчыне, у Іванаве. Без удзелу, праўда, аўтара кнігі «Мая Беларусь». І ўсё ж атмасфера для знаёмства і з кнігай, і ўвогуле са светам беларускага мастацкага слова была ў Іванаве — горадзе, дзе зусім нядаўна прайшоў Дзень беларускага пісьменства, — самая прыязная, адкрытая і шчырая. Раю зазірнуць у горад, дзе і водгалас свята прыгожага пісьменства яшчэ чуваць, дзе і новая кнігарня адкрылася, зазірнуць усім, хто рупіцца пра беларускую кнігу, пра развіццё беларускай літаратуры.

Дарэчы, эстафету Дня беларускага пісьменства прыняў ужо Слонім. Відаць, з кнігай «Мая Беларусь» Уладзімір Ліпскі і калектыў часопіса «Вясёлка», дзе друкаваліся раздзелы кнігі, завітаюць і ў гэты старажытны горад.

Сяргей Шычко

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.