Вы тут

У Беларусі адзначаны новы від птушкі – стрынатка-рэмез


Яна можа стаць 333-й у спісе нашай арнітафаўны. Як расказалі журналісту “Звязды” у грамадскай арганізацыі “Ахова птушак Бацькаўшчыны”, птушку злавілі і закальцавалі на Віцебшчыне арнітолагі Дзяніс Кіцель і Юрый Янкевіч.


Стрынатка-рэмез трапіла ў сеткі пры пры адлове птушак на запіс голасу. Адбылося гэта 2 кастрычніка ў Вехнядзвінскім раёне Віцебшчыны, у пойме ракі Свольны. Арнітолагі вырашылі праверыць патэнцыял новага месца на новыя віды – і, як бачым, удала.  

Магчыма, стрынатка-рэмез была ў Беларусі і раней, — разважае  Дзяніс Кіцель. -- Яна ў 1990-х гадах гнездавалася вельмі блізка да нашай мяжы. Напэўна, арнітолагі ў тыя часы прапусцілі яе. Як мы прапусцілі залёт сібірскай завірушкі: гэтая птушка была ў Еўропе ўсюды, але ў нас заўважана не была.

Гэта ўжо трэці новы від, зарэгістраваны супрацоўнікамі станцыі кальцавання птушак “Сасновы бор” для Беларусі. Раней на самай поўначы Расонскага раёна, дзе размяшчаецца станцыя, былі адлоўлены і закальцаваныя першая  пячураўка-зарнічка (у 2014 годзе) і стрынатка-крошка (у 2017 годзе).

А на рахунку Дзяніса Кіцеля ўжо 5 новых для Беларусі відаў птушак: акрамя згаданых трох відаў —  горная пліска і чайканосая крычка. http://ptushki.org/bird/220.htmlЦяпер ён спадзяецца прывабіць на запіс голасу і злавіць каральковую пячураўку, якой пакуль няма ў спісе птушак Беларусі.

Стрынатка-рэмез (Emberiza rustica) – таёжны від, распаўсюджаны шырокай паласой ад Паўночнай Еўропы праз поўнач Усходняй Еўропы, Сібір да Камчаткі і Алеуцкіх астравоў. З канца ХІХ стагоддзя адзначана пашырэнне распаўсюджання віду на захад – у Эстонію, Латвію, Швецыі і Нарвегію. Падчас  сезонных міграцый залятае ў многія краіны Еўропы.

Надзея НІКАЛАЕВА

Выбар рэдакцыі

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Пра дзяцінства, сяброў і вясёлую ноч.

Спорт

Як жывуць спартсмены, якія выступяць на Еўрапейскіх гульнях?

Як жывуць спартсмены, якія выступяць на Еўрапейскіх гульнях?

Карэспандэнты «Звязды» пабывалі ў Вёсцы атлетаў.

Культура

Адэльск: турыстычная Мекка на прыграніччы

Адэльск: турыстычная Мекка на прыграніччы

Адэльск — унікальнае месца. Ціхая вёска на самым ускрайку заходняй мяжы становіцца з кожным годам усё больш знакамітай.