15 Кастрычнік, панядзелак

Вы тут

Спажывецкая кааперацыя губляе свае пазіцыі на спажывецкім рынку


У апошнія гады спажывецкая кааперацыя губляе свае пазіцыі на спажывецкім рынку, адзначаюць у камітэце дзяржкантролю Гомельскай вобласці. Толькі летась колькасць аб'ектаў гандлю спажыўкааперацыі на Гомельшчыне скарацілася на 107 аб'ектаў, зменшыўся рознічны тавараабарот.


Спецыялісты дзяржкантролю сёлета правялі маніторынгі гандлёвай інфраструктуры чатырох суб'ектаў гаспадарання: Добрушскага і Кармянскага райспажыўтаварыства, а таксама прадпрыемстваў «Добрушгандаль» і «Кармахарчгандаль». Ва ўсіх аб'ектах гандлю Добрушскага і Кармянскага раёнаў былі выяўлены сур'ёзныя недахопы: не выконваліся санітарныя нормы і правілы, адсутнічала частка дакументаў, выкладвалася неўпакаваная прадукцыя на дно ахаладжальных вітрын, парушаліся правілы гандлю... Акрамя таго, у пяці крамах пакупнікам прапанавалася адзінаццаць найменняў пратэрмінаванай прадукцыі.

Дарэчы, спецыялістамі Жлобінскага міжраённага камітэта дзяржаўнага кантролю летам быў праведзены маніторынг аб'ектаў гандлю і грамадскага харчавання адпаведнага раёна. Падчас праверкі сеткі крам мясцовага райспажыўтаварыства выяўлены факты продажу тавараў з пратэрміноўкай прыдатнасці, агародніны і пладоў з прыкметамі недабраякаснасці, парушэннем цэласнасці лупіны, шматлікія факты ўжывання сродкаў вымярэння са скончаным тэрмінам паверкі. У асобных гандлёвых аб'ектах спаганялася дадатковая плата за пакаванне вагавых тавараў.

Пастаянная крэдыторская запазычанасць перад пастаўшчыкамі і недахоп уласных абаротных сродкаў не дазваляюць арганізацыям гандлю спажыўкааперацыі падтрымліваць у гандлёвай сетцы шырокі асартымент тавараў, развіваць і прасоўваць папулярныя праграмы лаяльнасці для пакупнікоў ( розныя акцыі, зніжкі, бонусы, гандлёвыя назапашванні...). Гэта ў разы змяншае канкурэнтаздольнасць такіх гандлёвых аб'ектаў.

Ірына АСТАШКЕВІЧ

Загаловак у газеце: Не да акцый і зніжак...

Дадаць каментар

Выбар рэдакцыі

Культура

Віктар Альшэўскі: І з фанеры можна стварыць нешта выключнае

Віктар Альшэўскі: І з фанеры можна стварыць нешта выключнае

У «высокім» арт-асяродку таксама ёсць месца жарсцям і інтрыгам. 

Грамадства

Дзень маці адсвяткавалі ў Нацыянальным цэнтры ўсынаўлення

Дзень маці адсвяткавалі ў Нацыянальным цэнтры ўсынаўлення

Папяровыя кветкі, маляўнічыя паштоўкі, песні, танцы і мора праніклівых, ласкавых слоў.

Грамадства

«Найлепшае выхаванне — уласны прыклад»

«Найлепшае выхаванне — уласны прыклад»

Вясковая матушка — пра гаджэты, адзнакі, якія закранаюць самалюбства бацькоў, і сакрэт трывалых адносін.