Штотыдзень у эфіры тэлеканала «Беларусь 3» тэлевіктарына «Размаўляем па-беларуску». Для таго каб стаць яе ўдзельнікамі, неабходна зайсці на сайт tvrgоmеl.bу або 3bеlаrus.bу і праз банер «Размаўляем па-беларуску» запоўніць заяўку на каманду з трох чалавек. Ну, а праверыць сваё веданне роднай мовы пасля таго як праграма выйшла ў эфір, можна з дапамогай «Звязды».
Ці ведалі вы, што:
днушка — дошчачка, на якой крышаць прадукты;
кушнер — рамеснік, які шые з футра;
выцінанка — узор, выразаны з паперы;
сярмяга — верхняе адзенне з даматканага сукна;
цурубалка — прадаўгаваты кавалак дрэва;
шугалея — лодка, выдзеўбаная з кавалка дрэва.
Гара з плеч — адчуць палёгку, пазбавіцца ад нейкага клопату. Беларускія сінонімы: ад сэрца адлягло, камень з сэрца зваліўся. Рускія: гора с плеч, отлегло на душе.
Курам на смех — 1) зрабіць нешта абы-як, неакуратна; 2) вельмі мала (зрабіць). Беларусы яшчэ скажуць: абы з рук, з камароў нос, на жабін скок. Рускія: без слез не взглянешь, капля в море.
Паўторы выпускаў тэлевіктарыны — у ранішнім эфіры «Беларусь 3» кожную суботу.
Ірына АСТАШКЕВІЧ
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.