Вы тут

Свой электрасамакат, суперкандэнсатар і яшчэ 158 навуковых распрацовак


Усё гэта прадставяць наведвальнікам ХХІІІ Беларускага энергетычнага і экалагічнага форуму, які пройдзе 8—12 кастрычніка ў Мінску.

Сёлета ў ім прымуць удзел больш за 300 арганізацый з 16 краін свету, паведаміла намеснік міністра энергетыкі Вольга Пруднікава на прэс-канферэнцыі ў БелТА.


Штогод гэты высокі сход становіцца ўнікальным месцам сустрэч энергетыкаў і эколагаў нашай краіны і замежжа, спрыяючы тым самым пашырэнню супрацоўніцтва, абмену перадавымі распрацоўкамі і праектамі. Мэта форуму — прадставіць сучаснае абсталяванне і тэхналогіі для вытворчасці і размеркавання электрычнай і цеплавой энергіі, аўтаматызаваныя сістэмы, энерга- і рэсурсазберагальныя тэхналогіі, аказаць садзейнічанне інавацыйнаму развіццю паліўна-энергетычнага комплексу.

На 9 кастрычніка запланаваны кірмаш інавацыйных распрацовак у сферы энергетыкі. «Гэты кірмаш — пляцоўка для нашых распрацоўшчыкаў і патэнцыйных інвестараў, каб спланаваць магчымыя праекты і будучыя высокапрыбытковыя прадпрыемствы, таму што менавіта навукова-тэхналагічныя распрацоўкі дазваляюць ствараць прадукцыю з найбольшай дабаўленай вартасцю», — паведаміў намеснік старшыні Дзяржаўнага камітэта па навуцы і тэхналогіях Сяргей Шчарбакоў.

«Будзе прадстаўлены ўзор электрасамаката, які, у прынцыпе, гатовы да тыражавання», — адзначыў Сяргей Шчарбакоў. Усяго гасцям форуму пакажуць 158 навукова-тэхнічных распрацовак (Нацыянальнай акадэміі навук, Міністэрства адукацыі, Міністэрства прыродных рэсурсаў і аховы навакольнага асяроддзя, прыватных кампаній).

Сярод іх — фільтры для ачысткі сціснутых газаў ад цвёрдых часціц і аэразоляў на прадпрыемствах хімічнай і нафтагазавай прамысловасці, доследны ўзор суперкандэнсатараў на аснове графензмяшчальнага матэрыялу (гэтую разработку будуць прымяняць у электратранспарце), экспертная сістэма рэабілітацыі геалагічнага асяроддзя, забруджанага нафтапрадуктамі.

І зноў пра АЭС...

Адказваючы на пытанні журналістаў, Вольга Пруднікава закранула тэму будучых паставак электраэнергіі на знешнія рынкі. У цяперашні час фарміруецца агульны электраэнергетычны рынак у рамках ЕАЭС, дагавор аб стварэнні рынку павінен быць падпісаны да 1 ліпеня 2019 года. «Пасля ўводу атамнай станцыі мы павялічым магчымасці свайго экспартнага патэнцыялу — як у цэлым энергетычная галіна, так і суб'екты гаспадарання, якія па пэўных крытэрыях будуць мець магчымасць выхаду на агульны электраэнергетычны рынак саюза», — адзначыла яна.

Энергетык пацвердзіла, што першы энергаблок будзе ўведзены да канца 2019 года. «У цяперашні час будаўнічыя работы ідуць інтэнсіўнымі тэмпамі, задзейнічаны беларускія і расійскія арганізацыі», — удакладніла яна. Ідзе падрыхтоўка беларускай энергасістэмы да інтэграцыі ў яе БелАЭС.

Адказваючы на пытанне аб дыялогу з літоўскім бокам па будаўніцтве АЭС у Астраўцы, першы намеснік міністра прыродных рэсурсаў і аховы навакольнага асяроддзя Ія Малкіна адзначыла: «Нягледзячы на праблемныя пытанні, ёсць пэўнае разуменне на ўзроўні экспертнай супольнасці тых працэсаў, якія адбываюцца. Мы спадзяёмся, што будучая ў лютым 2019 года чарговая сесія Нарады бакоў Канвенцыі Эспа паставіць усё-такі кропку ў гэтым пытанні».

На яе погляд, наша краіна сёння сканцэнтравана ў першую чаргу на выкананні рэкамендацый, якія былі дадзены абодвум бакам у рамках сесіі Нарады бакоў Канвенцыі Эспа ў 2014 годзе. Яны разглядаюцца ў якасці асноў для далейшага двухбаковага супрацоўніцтва. «У цэлым хацелася б адзначыць, што за 2017 год і першую палову 2018-га ў значнай ступені мы прасунуліся па тэматыцы інфармавання нашых еўрапейскіх калег, суседзяў аб тым працэсе, які адбываецца на пляцоўцы будаўніцтва БелАЭС», — адзначыла першы намеснік міністра.

Як вядома, наша краіна і Літва адмовіліся ад фармату двухбаковых перагавораў. Мы пераканаліся, што прыцягненне экспертаў з боку міжнародных кампетэнтных арганізацый з'яўляецца найбольш прагрэсіўным і прадукцыйным механізмам узаемадзеяння для пошуку прагрэсу.

Эксперты Беларусі і Літвы працягваюць сумесную працу па падрыхтоўцы праекта двухбаковага міжурадавага пагаднення па ажыццяўленні Канвенцыі Эспа. «Гэта двухбаковы міждзяржаўны дагавор, па ім у нас ёсць пэўны прагрэс. Мы плануем да канца лістапада гэтага года правесці яшчэ адну сустрэчу, якая, як нам здаецца, дазволіць падысці да стадыі ўнутрыдзяржаўных працэдур узгаднення», — удакладніла Ія Малкіна.

Сяргей КУРКАЧ

Фота БелТА

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.