Вы тут

Наш спартыўны фестываль намінаваны на прэмію УЕФА


Усебеларускі спартыўны фестываль «Тата, мама, я — футбольная сям'я!», які арганізавала Беларуская федэрацыя футбола, намінаваны на прэмію UEFA GROW 2018.


Праграма UEFA GROW была запушчана ў 2015 годзе і нацэлена на аказанне садзейнічання Еўрапейскім футбольным асацыяцыям у развіцці гульні нумар адзін у такіх галінах, як масавы футбол, маркетынг і камунікацыі.

28 верасня незалежнае журы вывучыла і абмеркавала кожную са 106 заявак, якія былі пададзены Еўрапейскімі футбольнымі асацыяцыямі на прэміі UEFA GROW 2018. Па кожнай з пяці намінацый былі адабраныя тры найлепшыя праекты, з ліку якіх будуць абраныя пераможцы. Пяць асацыяцый — уладальнікаў прэмій у намінацыях «Імідж», «Удзел», «Далучэнне», «Прыбытак», «Маркетынг у жаночым футболе» будуць вызначаны на ўрачыстай цырымоніі, якая пройдзе ў рамках Канферэнцыі УЕФА GROW у Рызе 30—31 кастрычніка 2018 года.

Сямейны фестываль «Тата, мама, я — футбольная сям'я!» быў уключаны ў тройку найлепшых у намінацыі «Удзел». У ліку фіналістаў, акрамя АБФФ, таксама праекты ад футбольных асацыяцый Англіі і Румыніі. Адзначым, што па гэтай намінацыі журы давялося выбіраць з заявак ад дваццаці сямі еўрапейскіх футбольных асацыяцый.

Дар'я ЛАБАЖЭВІЧ

Дадаць каментар

Выбар рэдакцыі

Культура

Форум тэатральнага мастацтва «ТЭАРТ» пакінуў на сэрцы рваныя раны

Форум тэатральнага мастацтва «ТЭАРТ» пакінуў на сэрцы рваныя раны

Мядзведзь на сцэне, Чэхаў на мове жэстаў і самая дакладная перадача стану дэпрэсіі.

Спорт

Настасся Чарняўская: Трэба, каб людзі ведалі: бадмінтон — рэальны спорт

Настасся Чарняўская: Трэба, каб людзі ведалі: бадмінтон — рэальны спорт

Якія задачы ставяцца перад камандай у 2019 годзе і што самае важнае ў бадмінтоне?

Грамадства

Які ўрок лепшы: перакулены або традыцыйны?

Які ўрок лепшы: перакулены або традыцыйны?

Як зрабіць, каб у вучняў загарэліся вочы?

Грамадства

Губернатар Гродзеншчыны - пра перспектыўныя праекты рэгіёна

Губернатар Гродзеншчыны - пра перспектыўныя праекты рэгіёна

Горад-спадарожнік, анкалагічны цэнтр, «вёскі будучыні»...