Вы тут

Беларуска-кітайскі форум пройдзе ў час China International Import Expo


Беларуска-кітайскі форум пройдзе ў час I Міжнароднай выстаўкі імпартных тавараў і паслуг China International Import Expo, якая будзе арганізавана ў Шанхаі 5-10 лістапада. Аб гэтым паведаміў дырэктар Нацыянальнага цэнтра маркетынгу Міністэрства замежных спраў Беларусі Валерый Садоха, піша БЕЛТА.


Паводле слоў Валерыя Садохі, беларуска-кітайскі форум будзе арганізаваны 7 лістапада з мэтай павышэння пазнавальнасці айчыннай прадукцыі на азіяцкім рынку. У адкрыцці форуму плануецца ўдзел намесніка кіраўніка Адміністрацыі Прэзідэнта Беларусі Мікалая Снапкова, прадстаўнікоў кіраўніцтва беларускіх міністэрстваў, а таксама Міністэрства камерцыі КНР.

У прыватнасці, на форуме будуць працаваць секцыі "Экспартны і інавацыйны патэнцыял Беларусі", "Спрыяльны інвестыцыйны клімат Беларусі - залог паспяховага партнёрства", "Прывабнасць турыстычных, адукацыйных і медыцынскіх паслуг Беларусі". Да ўдзелу ў ім запрошана каля 80 беларускіх прадпрыемстваў-экспанентаў, а таксама больш за 200 кітайскіх кампаній.

У цэлым на палях China International Import Expo плануецца каля 300 краінавых форумаў, біржаў дзелавых кантактаў, прэзентацый прадукцыі, канферэнцый і семінараў. Нацыянальны цэнтр маркетынгу МЗС Беларусі сумесна з Банкам Кітая (Bank of China) арганізуе 6 лістапада ўдзел беларускіх прадпрыемстваў у Міжнароднай трансгранічнай канферэнцыі, што дасць магчымасць устанавіць прамыя кантакты з загадзя падабранымі кітайскімі кампаніямі-імпарцёрамі.

Валерый Садоха падкрэсліў, што апошнім часам беларуска-кітайскі дыялог атрымаў істотнае развіццё, што ў першую чаргу абумоўлена агульнасцю поглядаў на важнейшыя праблемы міжнародных адносін. Гэта ў сваю чаргу вядзе да пераходу на новы ўзровень гандлёва-эканамічнага ўзаемадзеяння паміж краінамі. China International Import Expo - унікальная магчымасць для ўстанаўлення эфектыўных дзелавых кантактаў і пазіцыянавання Беларусі ў названым рэгіёне як надзейнага партнёра для супрацоўніцтва. Удзел дасць магчымасць айчынным прадпрыемствам значна пашырыць геаграфію экспарту і павялічыць тавараабарот не толькі з Кітаем, але і іншымі краінамі - удзельніцамі выстаўкі.

China International Import Expo будзе арганізавана ў самым вялікім у свеце выставачным комплексе Шанхая. Мяркуецца, што колькасць спецыялізаваных пакупнікоў дасягне 150 тыс. Нацыянальны цэнтр маркетынгу МЗС выступае арганізатарам беларускай экспазіцыі, якая будзе прадстаўлена ў двух тэматычных блоках. Нацыянальны павільён размесціцца на плошчы 136 кв.м, а зона прадпрыемства складзе 642 кв.м.

Выбар рэдакцыі

Грамадства

Псіхолаг расказвае, як знайсці агульную мову з падлеткам

Псіхолаг расказвае, як знайсці агульную мову з падлеткам

Пераходны ўзрост не толькі выпрабоўвае на трываласць самога падлетка і яго бацькоў...

Грамадства

Час, адукацыя і заробак — тры праблемы шматдзетных маці. Як пераадольваць?

Час, адукацыя і заробак — тры праблемы шматдзетных маці. Як пераадольваць?

Памеры дзіцячых выплат бываюць нават большыя за заробак.

Грамадства

Як трэба бяспечна паводзіць сябе на лёдзе?

Як трэба бяспечна паводзіць сябе на лёдзе?

З першага зімовага лёду сёлета дадому не вярнуліся тры чалавекі.