Вы тут

Былі грошы — былі «сябры»


А вось гісторыя адной са «шчаслівых» уладальніц мільённых выйгрышаў у латарэю.


Калі Роджэрс выйграла ў латарэю амаль два мільёны фунтаў, ёй было 16 гадоў, і яна стала самай юнай у Брытаніі пераможцай латарэі. Зараз жанчыне ўжо за трыццаць, а ад мінулага багацця не засталося і слядоў. У інтэрв'ю тэлеканалу ІTV былая мільянерка шчыра расказала пра тое, што з ёй здарылася і як яна дайшла да такога жыцця.

Уявіце сабе сітуацыю: 16-гадовая дзяўчынка выйграе ў нацыянальнай латарэі і становіцца ўладальніцай 1,87 млн фунтаў стэрлінгаў. Што яна робіць? Марнуе 18 000 на аперацыю па павелічэнні грудзей, 300 000 — на адзенне, 500 000 — на «падарункі» сябрам і сваякам, астатняе даволі хутка прагульвае — не без дапамогі тых жа сяброў — і вуаля! — застаецца без гроша ў кішэні.

І зараз, навучаная горкім вопытам, Роджэрс выступае за павышэнне ўзроставага цэнзу для гульцоў у латарэю. Яна кажа пра тое, што вялікія грошы ў юным узросце прыносяць толькі шкоду, што вакол цябе адразу з'яўляюцца падхалімы і дармаеды, а потым ты доўгія гады вучышся зноў давяраць людзям.

Жанчына расказвала, што ёй давялося лячыцца ад дэпрэсіі пасля таго, як яна ўсвядоміла, што шматлікія «сябры» яе проста выкарысталі. «Калі ў мяне з'явіліся грошы, вакол узнікла мноства людзей, якіх раней у маім жыцці не было і якіх няма цяпер. Я не ўсведамляла, што мяне выкарыстоўваюць, мне проста вельмі хацелася ўсім падабацца. У мяне па-ранейшаму праблемы з даверам, але паступова я зноў вучуся давяраць людзям».

У 16 гадоў Калі Роджэрс жыла з прыёмнымі бацькамі, працавала і сустракалася са звычайным хлопцам. Пасля выйгрышу яна пазнаёмілася з іншым — пазней ён стаў бацькам яе дваіх старэйшых дзяцей — і пераехала разам з ім у дом за 180 000 фунтаў. Яна прызнаецца, што за час іх адносін выдаткавала на какаін 250 000 фунтаў. Працу яна, вядома, кінула. Пачала кідацца грашыма, купляючы дызайнерскую вопратку і дарагія падарункі (дарэчы, у тым ліку для сваіх біялагічных бацькоў). Забавы і паездкі на адпачынак, вечарынкі, на якіх яна звычайна плаціла за ўсіх, — усё гэта не магло працягвацца бясконца.

«Я рухалася па жыцці без руля і без ветру. Цяпер у мяне ёсць праца і сям'я, пра якую трэба клапаціцца», — расказала Роджэрс. Яна замужам другі раз, яе муж — пажарны, і ў гэтым шлюбе ў яе нарадзілася трэцяе дзіця. На рахунку ў банку прыкладна 2000 фунтаў, але Калі запэўнівае, што ніколі не была больш шчаслівай, чым цяпер. І яна зноў і зноў паўтарае: «У 16 гадоў ты яшчэ дзіця і не маеш разумення пра грошы,  пра тое, што з імі звязана».

Іван КУПАРВАС

Выбар рэдакцыі

Культура

Як  мастак Май Данцыг ствараў свае карціны

Як мастак Май Данцыг ствараў свае карціны

Наватар, «шасцідзясятнік», ваяўнічы аптыміст — гэта ўсё пра яго.

Грамадства

Як ператварыць звычайны ўрок беларускай літаратуры у творчую майстэрню?

Як ператварыць звычайны ўрок беларускай літаратуры у творчую майстэрню?

Настаўнікі ўпэўнены: ці будуць вучні чытаць, у многім залежыць ад іх саміх. 

Эканоміка

Петришенко: Называть ЕАЭС экономическим союзом сегодня можно только авансом

Петришенко: Называть ЕАЭС экономическим союзом сегодня можно только авансом

Однако наша страна надеется, что это временные трудности.

Грамадства

Апублікаваны поўны тэкст Канцэпцыі інфармацыйнай бяспекі Беларусі

Апублікаваны поўны тэкст Канцэпцыі інфармацыйнай бяспекі Беларусі

Дзяржаўным органам і іншым арганізацыям даручана кіравацца палажэннямі канцэпцыі ў практычнай дзейнасці.