Вы тут

Магілёў наведала дэлегацыя Міжнароднага жаночага клуба жонак паслоў


Учора Магілёў наведала дэлегацыя прадстаўніц Міжнароднага жаночага клуба жонак паслоў, дыпламатаў і замежных прадстаўнікоў.


Асноўная дзейнасць гэтай суполкі — дабрачыннасць, аказанне дапамогі маламаёмасным грамадзянам. На працягу некалькіх гадоў яна супрацоўнічае з Магілёўскім спецыялізаваным Домам дзіцяці для дзяцей з арганічным паражэннем цэнтральнай нервовай сістэмы з парушэннем псіхікі. Гэтым разам жанчыны перадалі ўстанове мэблю, тканіну для пасцельнай бялізны і прысмакі для дзяцей. Выхаванцы аддзякавалі дабрачынніцам невялічкім душэўным канцэртам.

Прадстаўніцы клуба таксама пабывалі ў Цэнтры сацыяльнага абслугоўвання насельніцтва Ленінскага раёна Магілёва, дзе сустрэліся з маламаёмаснымі сем'ямі і даведаліся пра іх патрэбы. А потым азнаёміліся з формамі работы Салтанаўскага псіханеўралагічнага дома-інтэрната. Падчас сустрэчы ў аблвыканкаме ўдзельніцы клуба абмеркавалі пытанні далейшага супрацоўніцтва і ўзаемадзеяння.

— Магілёву пачэсна прымаць такіх гасцей, асабліва напярэдадні вельмі важнай падзеі — V Форуму рэгіёнаў Беларусі і Расіі, — падкрэсліла начальнік галоўнага ўпраўлення ідэалагічнай работы і па справах моладзі Магілёўскага аблвыканкама Кацярына Музычэнка. — Прадстаўніцы клуба змаглі асабіста паназіраць за работай нашых сацыяльных устаноў і з першых вуснаў пачуць, якая дапамога ім больш за ўсё неабходная. Вельмі прыемна, што гэта арганізацыя прымае такі жывы ўдзел у жыцці грамадзян сталага веку і людзей з абмежаванымі магчымасцямі.

Нэлі ЗІГУЛЯ

Загаловак у газеце: Дапамога па сутнасці

Выбар рэдакцыі

Грамадства

Пераможца «Жанчыны года-2018»: З трыма дзецьмі можа справіцца кожная пара

Пераможца «Жанчыны года-2018»: З трыма дзецьмі можа справіцца кожная пара

Тры гады таму прозвішча Трыкоза ўжо было на слыху.

Грамадства

Мэр Брэста Аляксандр Рагачук: Дзеці ў пясочніцах на касцях гуляць не будуць

Мэр Брэста Аляксандр Рагачук: Дзеці ў пясочніцах на касцях гуляць не будуць

Кіраўнік Брэсцкага гарвыканкама адмеркаваў рэзанансную тэму раскопак на тэрыторыі гета.

Культура

Як  мастак Май Данцыг ствараў свае карціны

Як мастак Май Данцыг ствараў свае карціны

Наватар, «шасцідзясятнік», ваяўнічы аптыміст — гэта ўсё пра яго.