Мінскаму стадыёну "Дынама" прысвоена чацвёртая катэгорыя Саюза еўрапейскіх футбольных асацыяцый (УЕФА), піша БЕЛТА са спасылкай на прэс-службу АБФФ.
Беларуская федэрацыя футбола атрымала паведамленне аб прысваенні "Дынама" максімальнай катэгорыі ў адпаведнасці з рэгламентам УЕФА па інфраструктуры. Гэта дае магчымасць праводзіць матчы Лігі нацый, кваліфікацыі чэмпіянатаў свету і Еўропы з удзелам нацыянальных зборных, а таксама паядынкі групавых стадый і плэй-оф Лігі чэмпіёнаў і Лігі Еўропы УЕФА.
Стадыён "Дынама" быў афіцыйна адкрыты пасля рэканструкцыі 21 чэрвеня. Абноўленае спартыўнае збудаванне можа ўмяшчаць 22 234 гледачы.
Як удакладнілі ў АБФФ, у Беларусі на гэты час два стадыёны маюць чацвёртую катэгорыю УЕФА: "Дынама" (Мінск) і "Барысаў-Арэна" (Барысаў). У стадыёнаў "Цэнтральны" (Гомель), ДАСК "Брэсцкі" (Брэст) і ЦСК "Нёман" (Гродна) трэцяя катэгорыя УЕФА.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.