Вы тут

Ігар Крутой зробіць шоу для ІІ Еўрапейскіх гульняў


Цырымоніямі адкрыцця і закрыцця Еўрапейскіх гульняў 2019 года зоймецца творчая група пад кіраўніцтвам вядомага кампазітара і прадзюсара, народнага артыста Расіі Ігара Крутога. Акрамя таго, над відовішчнай забаўляльна-музычнай праграмай працуюць адразу два рэжысёры: Аляксандр Вавілаў ад Беларусі і Аляксей Сечанаў ад Расіі.


«Наша задача — паказаць свету Беларусь ва ўсёй яе прыгажосці. Мы раскажам цікавую гісторыю, у якой адлюструем самабытную культуру і традыцыі беларускага народа», — расказаў Ігар Крутой на прэс-канферэнцыі ў Мінску.

На рахунку кампаніі «Арт Сіці 5», якую ўзначальвае Крутой, ужо ёць шэраг паспяхова рэалізаваных на міжнародным узроўні культурна-масавых мерапрыемстваў, у тым ліку цырымоніі адкрыцця і закрыцця 7-х зімовых Азіяцкіх гульняў (Астана, 2011 год), шоу для 27-й Сусветнай летняй Універсіяды (Казань, 2013), 16-ы чэмпіянат FІNA па водных відах спорту (Казань, 2015), папулярныя музычныя конкурсы «Новая хваля» і «Дзіцячая Новая хваля» (Сочы), тэлепраект «Песня года», сольныя канцэрты вядучых артыстаў расійскай эстрады.

Да Еўрапейскіх гульняў 2019 года яшчэ застаецца дастаткова часу, каб цалкам адказна і грунтоўна падрыхтаваць цырымоніі адкрыцця і закрыцця. На цяперашнім этапе, расказалі ўдзельнікі творчай каманды, распрацоўваецца літаратурны сцэнарый, пасля ўзгаднення і, пры неабходнасці, карэкціроўкі якога пачнецца ўжо дэталёвая «раскадроўка» двухгадзіннага шоу. Таму ніякіх падрабязнасцяў арганізатары пакуль не раскрываюць, хоць і абяцаюць мноства прыемных сюрпрызаў для публікі, а таксама плануюць запрасіць медыяперсону сусветнай велічыні.

Шоу будзе цалкам жывой падзеяй, падкрэсліў міністр культуры Юрый Бондар, і пройдзе на самым высокім узроўні, «каб кожны глядач сышоў са стадыёна або ад тэлеэкрана задаволены».

Нагадаем, ІІ Еўрапейскія гульні, якія адбудуцца ў Мінску з 21 да 30 чэрвеня 2019 года, збяруць сама меней 18 тысяч афіцыйных удзельнікаў, у тым ліку больш як 4 тысячы спартсменаў, якія выступяць у 15 відах спорту. Трансляваць падзеі міжнароднага спартыўнага форуму плануецца ў 160 краінах свету.

Вікторыя ЗАХАРАВА

Выбар рэдакцыі

Грамадства

Рагачук: Дзеці ў пясочніцах на касцях гуляць не будуць

Рагачук: Дзеці ў пясочніцах на касцях гуляць не будуць

Кіраўнік Брэсцкага гарвыканкама адмеркаваў рэзанансную тэму раскопак на тэрыторыі гета.

Культура

Як  мастак Май Данцыг ствараў свае карціны

Як мастак Май Данцыг ствараў свае карціны

Наватар, «шасцідзясятнік», ваяўнічы аптыміст — гэта ўсё пра яго.

Грамадства

Як ператварыць звычайны ўрок беларускай літаратуры ў творчую майстэрню?

Як ператварыць звычайны ўрок беларускай літаратуры ў творчую майстэрню?

Настаўнікі ўпэўнены: ці будуць вучні чытаць, у многім залежыць ад іх саміх. 

Эканоміка

Петришенко: Называть ЕАЭС экономическим союзом сегодня можно только авансом

Петришенко: Называть ЕАЭС экономическим союзом сегодня можно только авансом

Однако наша страна надеется, что это временные трудности.