Загоннае паляванне каля вёскі Цвіркі скончылася сур’ёзным разборам. Нанесеная шкода ацэньваецца амаль у тры тысячы рублёў, паведамілі ў Дзяржаўнай інспекцыі аховы жывёльнага і расліннага свету пры Прэзідэнце Рэспублікі Беларусь.
11 паляўнічых, якія праводзілі загон, цяпер падазраюцца ў браканьерстве. Згодна з выданым ім дазволам, яны мелі права здабыць двух казуль і лася-сяголетка. На момант праверкі інспектарам у якасці здабычы прад’явілі толькі адну казулю і адзін закрыты дазвол. Другую казулю, здабытую падчас таго ж загона, вырашылі ўтаіць.
У тым, што паляўнічыя наўмысна схавалі трафей, супрацоўнікі Стаўбцоўскай міжрайінспекцыі не сумняваюцца. Адзін з іх скрытна назіраў за паляваўшай брыгадай і бачыў, што як толькі ў полі зроку паляўнічых з’явіўся аўтамабіль інспекцыі, двое з групы пацягнулі тушу казулі ў лес. Там яе і знайшлі — схаваную пад бураломным дрэвам і прыкіданую галінамі.
Па факту незаконнага палявання праводзіцца праверка. Ва ўсіх удзельнікаў палявання канфіскаваны стрэльбы, ім пагражае крымінальная адказнасць.
Сяргей РАСОЛЬКА
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».