З 2 па 4 лістапада адбудзецца найбуйнейшы ў Беларусі фестываль фантастыкі, фэнтэзі, коміксаў і выстава-інтэрактыў гульнявой індустрыі UniCon & Game Expo. Гэта яркае шоў для ўсіх, каму блізкая сучасная поп-культура ў любых яе праявах!
UNICON уяўляе сабой арганічны сплаў тэматычнай выставы, сцэнічнага шоу і суправаджаючых іх майстар-класаў, прэзентацый і творчых сустрэч з удзелам запрошаных гасцей, якія маюць дачыненне да сучаснай масавай культуры і тэматыцы фестывалю (аўтараў, ілюстратараў, стваральнікаў коміксаў, выдаўцоў, акцёраў, рэжысёраў і г.д.), а таксама да іншых сфер футуралагічнай накіраванасці. Канвент праводзіцца з 2012 года. Летась упершыню фестываль прайшоў сумесна з выставай гульнявой індустрыі Game Expo Minsk. Гэта дазволіла правесці цэласнае поўнамаштабнае мерапрыемства: плошча выставы склала больш за 4 000 квадратных метраў.
На UniCon—2018 будзе прадстаўлена больш за 30 фан-стэндаў фантастычных сусветаў. Кожны з іх рыхтуе інтэрактыўную забаўляльную і пазнавальную праграму і тэматычную фотазону. Любы наведвальнік зможа паўдзельнічаць у вялікім квэсце і выйграць прыз.
На фестывалі будуць прадстаўлены таксама кіберспартыўная зона, дзе пройдуць турніры па Dota2, Twitch day і Hearthstone, кансольная зона, зона распрацоўшчыкаў і зона настольных гульняў.
Задача UniCon &Game Expo.— стварыць пляцоўку для “жывых” стасункаў паміж распрацоўшчыкамі, выдаўцамі і аматарамі камп'ютарных і настольных гульняў і коміксаў, даць магчымасць азнаёміцца з навінкамі ў гэтай сферы, ну і, канешне, пазіцыянаваць Беларусь як актыўнага спажыўца і ўдзельніка рынку гульнявой індустрыі.
Надзея НІКАЛАЕВА
З усіх куточкаў Беларусі.
Яе песні займаюць першыя радкі ў музычных чартах краіны, пастаянна гучаць на радыё і тэлебачанні.
