Вы тут

Песню бярыце з сабою. «Калыханка маме»


Вершы — Ніна Мацяш, музыка — Яўген Ксяневіч.

Ніна Мацяш (1943—2008) — выдатная беларуская паэтэса і перакладчыца. Скончыла Мінскі дзяржаўны педагагічны інстытут замежных моў. Член Саюза пісьменнікаў СССР. Лаўрэат Літаратурнай прэміі СП Беларусі імя А. Куляшова. Аўтар паэтычных зборнікаў «Агонь», «Удзячнасць», «Прыручэнне вясны», «Поўны келіх», «Жнівень», «Паварот на лета», «Выбранае».

У верасні гэтага года споўнілася б 75 гадоў з дня нараджэння знакамітай беларускай паэтэсы Ніны Мацяш — чалавека цяжкага лёсу, шчырага сэрца і вялікага таленту. Песня «Калыханка маме» прысвечана святу маці, галоўнаму чалавеку для кожнага на зямлі.


Куплет 1:

Быць разам выпадае нам так мала.

Забудзь трывогу вечную сваю,

Прыляж, мая натомленая мама,

Як некалі ты мне, табе спяю.

Прыпеў:

Задрэмлюць веі над вачыма карымі —

Не дам упасці й парушынцы я.

Сустрэнься ў сне з сабой,

мая ласкавая,

З вясной сваёю, любая мая.

Куплет 2:

Хоць кропля з абяцанага нам  маем

Збываецца праз мулкія гады.

Прыляж, мая даверлівая мама,

Спяю табе, як мне спявала ты.

Прыпеў.

Куплет 3:

Любоў нябёсы над табой трымае,

Любоўю зораць дні ў тваім акне.

Прыляж, мая усмешлівая мама,

Спяю табе, як ты спявала мне.

Прыпеў.

Яўген Ксяневіч

evgenyksenevіch@gmaіl.com

Выбар рэдакцыі

Культура

Карэспандэнты «Звязды» сустрэліся са сваячкай Паўліны Мядзёлкі

Карэспандэнты «Звязды» сустрэліся са сваячкай Паўліны Мядзёлкі

12 верасня 1893 года ў сям'і Вінцэнта і Францішкі Мядзёлкаў нарадзілася дачка, якой далі прыгожае імя Паўліна. 

Грамадства

Хто пашкоджвае дрэвы ў вашым садзе?

Хто пашкоджвае дрэвы ў вашым садзе?

Хто, як не вучоныя Інстытута пладаводства, ведае, як атрымаць добры ўраджай і засцерагчы сад ад хвароб.

Культура

Вольга Падгайская: Калі праект і здараецца, то ў якасці ледзь не выключэння

Вольга Падгайская: Калі праект і здараецца, то ў якасці ледзь не выключэння

Гэта трэба, канешне, проста паслухаць — музыку аднаго з найдзіўнейшых сучасных беларускіх кампазітараў. 

Культура

Што паглядзець у брэсцкім музеі выратаваных каштоўнасцяў

Што паглядзець у брэсцкім музеі выратаваных каштоўнасцяў

Брэсцкі музей выратаваных каштоўнасцяў можна назваць мясцовым Луўрам — калі ўвогуле дарэчы параўноўваць адну культуру з іншай.