Вы тут

Прайшлі спаборніцтвы сярод прадстаўнікоў спецназу


Нядаўна прайшлі прафесійныя спаборніцтвы сярод прадстаўнікоў падраздзяленняў спецыяльнага прызначэння. Элітныя атрады павінны былі выканаць амаль два дзясяткі тактычных і агнявых практыкаванняў.


Самы захапляльны раўнд спаборніцтваў — дуэльная стральба. Да мішэняў — некалькі дзясяткаў метраў. На палігоне дзьмуў даволі моцны халодны вецер з парывамі да 20 метраў за секунду. Стралкам даводзілася ўлічваць славутую «папраўку на вецер». Але нягледзячы на гэта, снайперы трапна білі па чорных талерачках. На змену ім прыходзілі штурмавікі ад кожнай каманды. Спаборніцтвы ішлі на выбыванне. Найлепшыя з найлепшых закрывалі кулямі мішэнь адну за адной, нібыта падзеі адбываліся ў ціры.

— Праграма спаборніцтваў насычана практыкаваннямі, — кажа першы намеснік камандуючага сіламі спецыяльных аперацый Узброеных Сіл Беларусі Віктар Гулевіч. — Сёлета акцэнт быў зроблены на рэчы, больш характэрныя для падраздзяленняў спецыяльнага прызначэння Узброеных Сіл. Мы працуем звычайна ў лясіста-балоцістай мясцовасці. Спецыфіка была выбрана адпаведная. І, канешне ж, вялікая ўвага была звернута на выкананне задач у гарадах і населеных пунктах.

Сярод задач, якія ставіліся перад элітай спецназа — прыкрыць напарніка, разведаць замініраваны ўчастак, правесці засаду.

— У даволі складаных умовах удзельнікі прадэманстравалі высокі ўзровень майстэрства, добрыя баявыя якасці і паказалі выдатныя вынікі, — зазначыў дзяржсакратар Савета бяспекі Беларусі Станіслаў Зась. — Гэта добрае мерапрыемства. Эфектыўная форма сумеснай баявой падрыхтоўкі, якая дазваляе абменьвацца вопытам, развівае ўзаемадзеянне паміж байцамі і падраздзяленнямі, спрыяе росту ўзроўню баявой падрыхтоўкі.

Сёлета ў спаборніцтвах упершыню ўдзельнічалі каманды з Расіі і Узбекістана. Ад Сіл спецыяльных аперацый Узброеных Сіл Беларусі ўдзельнічалі тры каманды. У агульным заліку першае і другое месца дасталося менавіта ім. Не менш ганаровае трэцяе месца — у «Алмаза».

Валяр'ян ШКЛЕННІК

Фота БелТА

Загаловак у газеце: Спецназ ідзе на рубеж

Выбар рэдакцыі

Грамадства

Жыхар Жодзіна Генадзь Пузанкевіч даехаў на веласіпедзе з Беларусі да Уладзівастока

Жыхар Жодзіна Генадзь Пузанкевіч даехаў на веласіпедзе з Беларусі да Уладзівастока

Ён кожны дзень імкнуўся пераадольваць не менш за сто кіламетраў.

Грамадства

Як «Звязда» парушальнікаў адпачынку з міліцыяй шукала

Як «Звязда» парушальнікаў адпачынку з міліцыяй шукала

Апошнімі цёплымі дзянькамі многія мінчане стараюцца скарыстацца напоўніцу і па магчымасці адпачыць на прыродзе, хай сабе і ў межах горада.

Культура

Спявак Аляксандр Гелах: Як толькі паступіў, пачаў шукаць работу

Спявак Аляксандр Гелах: Як толькі паступіў, пачаў шукаць работу

Малады тэнар, які прыйшоў у Нацыянальны акадэмічны Вялікі тэатр Беларусі ў 2015-м, звярнуў на сябе ўвагу аматараў оперы адразу.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Танцуй... Пакуль не замужам?