Першы занятак “З парога ў камунікацыю. Найлепшыя камунікацыйныя кейсы 2018 года” адбудзецца 18 кастрычніка на факультэце журналістыкі БДУ (вул. Кальварыйская, 9). Пачатак у 18.15.
Асаблівасцю адукацыйнага праекта з'яўляецца яго фармат “роўны навучае роўнага”. Студэнты спецыяльнасці "Інфармацыя і камунікацыя" выступаюць у ролі не толькі арганізатараў, але і спікераў перад слухачамі школы. Праграма праекта ўключае майстар-класы і трэнінгі вядучых беларускіх спецыялістаў у галіне камунікацыі, а таксама інтэрактыўныя гульні.
Першым запрошаным спікерам стане дырэктар па сувязях з грамадскасцю кампаніі Wargaming у СНД Іван Кузняцоў. Госць раскажа пра арганізацыю Дня танкіста і ў фармаце інтэрактыўнай дыскусіі адкажа на пытанні аўдыторыі.
У гэтым годзе канцэпцыя “Акадэміі камунікацыі” перанясе слухачоў у камунальную кватэру — месца, дзе ў канцэнтраваным выглядзе сутыкаешся з самымі рознымі праявамі камунікацыі.
“Мы пастараемся зрабіць так, каб заняткі ў новым сезоне не абмяжоўваліся фарматам лекцый ад студэнтаў і запрошаных спікераў. У гэтым годзе слухачы змогуць удзельнічаць у трэнінгах, ток-шоу, дыскусіях і дэбатах аб трэндах у камунікацыі, вырашаць камунікацыйныя задачы рэальных беларускіх кампаній”, — падкрэслівае выкладчык кафедры тэхналогій камунікацыі, куратар праекта Лікія Яніцкая.
Усяго запланавана 12 заняткаў.
Надзея НІКАЛАЕВА
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!