Вы тут

Гісторыя аднаго ДТЗ


Гэтая гісторыя мела месца яшчэ тры з паловай месяцы таму, але стала вядома пра яе толькі зараз.


30 чэрвеня на аўтадарозе Орша — Магілёў адбылося масавае дарожна-транспартнае здарэнне. 71-гадовы жыхар Магілёва ехаў у кірунку Магілёва. Каля адной з вёсак ён здзейсніў абгон па сустрэчнай паласе, але памыліўся пры манеўры і ўрэзаўся на ёй у іншы аўтамабіль. Кіроўца гэтага аўтамабіля, 38-жыхарка Шклова, страціла кіраванне. Цяпер ужо яе аўтамабіль вынесла на сустрэчную паласу, дзе якраз у гэты час ехаў "Рэно Меган". Ім кіравала 41-гадовая жыхарка Шклова, якая ехала разам з 11-гадовым дзіцем. Малы быў прышпілены рэменем бяспекі і знаходзіўся ў аўтакрэсле, але гэта не ўратавала яго ад траўмы.

Так атрымалася, што ў гэты час па дарозе праязджаў старшы лейтэнант Дзяніс Астапаў, які праходзіць службу ў ваенкамаце Шклоўскага раёна. Дамо яму слова.

— Я ўбачыў, што на краі дарогі стаіць пабіты аўтамабіль. Прытармазіў. Спытаўся, што тут адбываецца. Мне сказалі, што дзве машыны сутыкнуліся, яшчэ адну адкінула ўніз, у зараслі кукурузы.

Афіцэр кінуўся на дапамогу. У машыне, якая з'ехала ў кукурузу, ён убачыў у ненатуральнай позе хлопчыка, які быў заціснуты паміж сядзеннямі.

— Малы не разумеў, што адбываецца. Толькі спытаў: "Дзе мама?" і крыху пазней сказаў, патузаўшыся, што ў яго баліць нага.

У гэты час да машыны падбег яшчэ адзін кіроўца, дальнабойшчык. Разам з Дзянісам Астапавым яны сталі ламаць дзверы паламанага аўто, размаўляць з хлопчыкам, супакойваць яго, запэўніваць, што зараз прыедуць ратавальнікі, урачы і дапамогуць яму.

Пасля таго як на месца падзей прыбылі экстранныя службы, Дзяніс Астапаў паведаміў пра ўсе вядомыя яму акалічнасці аварыі і паехаў далей.

А нядаўна да міністра абароны звярнуліся сваякі пацярпелых у гэтым ДТЗ, выказаўшы велізарную ўдзячнасць у адрас старшага лейтэнанта Астапава. Яны дзякавалі яму за тое, што не застаўся абыякавым, што дапамагаў сваімі рашучымі дзеяннямі.

Валяр'ян ШКЛЕННІК

Выбар рэдакцыі

Культура

Існавала павер'е, што на Русальны тыдзень нельга хадзіць у лес

Існавала павер'е, што на Русальны тыдзень нельга хадзіць у лес

«Прыйшло лета, спякота, і мы ўсё часцей і часцей ідзём на рэчку».

Грамадства

Першая зімоўка на Паўднёвым полюсе можа адбыцца ў 2020 годзе

Першая зімоўка на Паўднёвым полюсе можа адбыцца ў 2020 годзе

«Знаходжанне беларускіх палярнікаў у Антарктыдзе — гэта не вандроўка натуралістаў».

Спорт

Апублікаваны даведнік «Мінск» — карысны для турыстаў і падарожнікаў

Апублікаваны даведнік «Мінск» — карысны для турыстаў і падарожнікаў

Ён быў падрыхтаваны адмыслова напярэдадні II Еўрапейскіх гульняў.

Грамадства

У Полацку ўпершыню знойдзена пахаванне князя

У Полацку ўпершыню знойдзена пахаванне князя

Сярод знаходак — нямала сенсацый.