«Хуткая» чыгунка на 30 тысяч кіламетраў

Такая працягласць магістраляў у Кітаі будзе да 2020 года.

Як паведаміла міністэрства транспарту КНР быў прыняты «План дзеянняў на тры гады ў галіне транспартных паслуг (2018-2020)», перадае “Жэньмінь жыбаа ”анлайн”. 

У дакуменце адзначаецца, што для ўдасканалення сеткі транспартнай інфраструктуры неабходна прыкладаць намаганні для прасоўвання комплекснага інфраструктурнага будаўніцтва. Да 2020 года працягласць высакахуткасных чыгунак дасягне 30 тыс. км, пакрые больш за 80% гарадоў з пастаянным насельніцтвам у 1 млн. і больш. Згодна з «Планам дзеянняў», агульная працягласць высакахуткасных шашэйных дарог складзе 150 тыс. км, яны ахопяць гарады і мясцовыя адміністрацыйныя цэнтры з насельніцтвам больш за 200 тыс. чалавек. 

Колькасць новых глыбакаводных прычалаў катэгорыі 10 тыс. тон і больш складзе 180, працягласць новых і ўдасканаленых фарватэраў дасягне 2700 км. Аэрапорты для самалётаў грамадзянскай авіяцыі пакрыюць горадах з пастаянным насельніцтвам у 200 тыс. і больш чалавек. Такім чынам, сфарміруецца высакаякасная сетка ўзаемазлучанай транспартнай інфраструктуры на базе высакаякаснай высакахуткаснай транспартнай сеткі, высокаэфектыўнай сеткі звычайных магістраляў і сеткі шырокіх інфраструктурных паслуг. У мэтах адпаведнасці дзяржаўнай стратэгіі, неабходна паскорыць прасоўванне працэсу транспартнай інтэграцыі паміж Пекінам, Цяньцзінам і правінцыяй Хэбэй, сфарміраваць «адначасовы круг» паміж цэнтрамі Пекіна, Цяньцзіня і Шыцзячжуана, а таксама новымі гарадамі і гарадамі-спадарожнікамі, «адначасовы транспартны круг» паміж Пекінам, Цяньцзінам, Баадзінам і Таншанам. 

Разам з гэтым, варта паскараць прасоўванне інфраструктурнага будаўніцтва ў новай зоне Сюн’ань і будаўніцтва аб'ектаў для Зімовай Алімпіяды-2022. Што тычыцца трансфармацыі транспартных паслуг, ідзе прасоўванне аб'яднанага сістэматычнага будаўніцтва авіяцыйных маршрутаў, гарадскіх рэйкавых шляхоў і высакахуткаснай чыгункі. Міністэрства транспарту Кітая таксама плануе ўзмацніць асноўныя меры па абароне навакольнага асяроддзя ў транспартнай індустрыі. У сувязі з гэтым, міністэрства будзе прыкладаць намаганні для ажыццяўлення наступных задач: прасоўванне будаўніцтва “зялёнага” транспарту, прымяненне новых і чыстых крыніц энергіі, прасоўванне інтэлектуалізацыі транспарту, развіццё лагістычнай інтэнсіфікацыі, выпрацоўка экалагічнай ўпакоўкі ў індустрыі экспрэс-дастаўкі, распрацоўка спецыяльных дзеянняў па ліквідацыі забруджвання навакольнага асяроддзя па дарогах, ажыццяўленне задач па прафілактыцы забруджвання ў транспартнай сферы.