Вы тут

Сетка станцый з антывандальнымі роварамі з'явіцца ў Брэсце


У Брэсце да тысячагоддзя горада ўкараняць сістэму сумеснага выкарыстання ровараў (велашэрынг), паведаміў БЕЛТА кіраўнік групы транспартнай мабільнасці праекта "СімбіёСіці" пры Брэсцкім гарвыканкаме Сяргей Талатай.


Праект развіваюць гарвыканкам, Дзяржаўтаінспекцыя, велаактывісты і група кампаній "СТіМ". Ён прадугледжвае стварэнне разгалінаванай сеткі станцый з антывандальнымі роварамі. Аплата за карыстанне экалагічна чыстым відам транспарту будзе праводзіцца з дапамогай адмысловай праграмы.

На першапачатковым этапе ў Брэсце будзе ўстаноўлена да дзесяці шэрынгавых станцый. Найбольш буйныя з іх размесцяцца на турыстычным кальцы. Першы пункт велапракату будзе побач з чыгуначным і аўтобусным вакзаламі. Адтуль маршрут праляжа ўздоўж папулярнай вуліцы Савецкая - па вуліцах Арджанікідзэ, Камсамольская, 17-га верасня - да праспекта Машэрава. Вялікія станцыі прадугледжаны ў раёне помніка 1000-годдзю, ЦУМа, гасцініцы "Інтурыст", каля Брэсцкай крэпасці, яшчэ адна запланавана ў адваротным кірунку - па вуліцы К.Маркса.

Паміж сабой станцыі пракату звяжа сетку веладарожак. Часткова яны будуць пралягаць па ходніках, а таксама знаходзіцца ў межах праезнай часткі. Так, эксперыментальная разметка, якая аддзяляе паласу для руху веласіпедыстаў, ужо нанесены на вуліцы 17-га верасня. Увесну аналагічныя веладарожкі з'явяцца на вуліцах Арджанікідзэ, Камсамольская, К.Маркса.

Дадаць каментар

Выбар рэдакцыі

Культура

«Свята каваля» прайшло пад Мінскам

«Свята каваля» прайшло пад Мінскам

Кожны ахвотны мог зрабіць што-небудзь з жалеза.

Спорт

Усё пра конны спорт: хараство і небяспека «жыцця» на канюшні

Усё пра конны спорт: хараство і небяспека «жыцця» на канюшні

Ганна Карасёва — самая тытулаваная айчынная спартсменка ў конным спорце, з Задыякам і Арлекінам яна выступае ў самай прыгожай, але адначасова складанай, дысцыпліне — выездцы.

Культура

«Лістапад» назваў пераможцаў — усё вяртаецца ў звычайнае кола

«Лістапад» назваў пераможцаў — усё вяртаецца ў звычайнае кола

Поруч з салодкім зачараваннем кіно на «Лістападзе» заўсёды ідзе інтрыга — што і каго міжнародныя склады журы назавуць найлепшымі і з якімі фармулёўкамі.

Спорт

Як беларуска Вера Хвашчынская стала найлепшай на кантыненце ў рускіх шашках

Як беларуска Вера Хвашчынская стала найлепшай на кантыненце ў рускіх шашках

Вера Хвашчынская пачала выступаць у дарослых турнірах па шашках у 15-гадовым узросце.