Вы тут

Лукашэнка: Мы вельмі балюча ставімся да таго, што адбываецца ў праваслаўі


Пра гэта заявіў Аляксандр Лукашэнка за сустрэчы з Патрыярхам Маскоўскім і ўсяе Русі Кірылам.


Прэзідэнт цёпла прывітаў Патрыярха і успомніў яго перыяд служэння царквы, які папярэднічаў патрыяршаму сану. "У мяне ў памяці засталося ваша перасоўванне са Смаленска ў Калінінград і абавязкова праз нашу Беларусь. І напэўна, з тых часоў вы ўлюбіліся ў гэтую зямлю, не чужую для вас зямлю ", — сказаў Прэзідэнт.

Кіраўнік дзяржавы заявіў, што хоча, каб патрыярх Кірыл разумеў яго пазіцыю, хоць беларускі лідар імкнецца не рабіць ніякіх заяў у гэтай сувязі:

"На жаль, наша царква вельмі часта ў гісторыі станавілася заложніцай міждзяржаўных адносін. Часам, нашых няправільных учынкаў, — канстатаваў Прэзідэнт. — Вы павінны ведаць нашу непахісную дзяржаўную пазіцыю: раскол — гэта заўсёды дрэнна. І гэта дрэнныя наступствы, гэта небяспечней за ўсё. Мы вельмі балюча ставімся да таго, што адбываецца сёння ў праваслаўі. Вы гэта адчуваеце не менш за мяне, а можа быць нават больш, сэрцам сваім, успрымаеце душэўна — свет змяніўся. Мала таго, што ён паскорыўся, ён змяніўся не да лепшага".

Паводле яго слоў, заложнікамі бягучага становішча стала ўсё насельніцтва планеты. Перш за ўсё, прыйшоў дрэнны настрой, а настрой, звярнуў увагу Аляксандр Лукашэнка, заўсёды быў адказнасцю царквы. "Таму гэта б'е перш за ўсё па царкве, па служыцелях", — дадаў Прэзідэнт.

Беларускі лідар пажадаў Патрыярху мудрасці і цярпення, а таксама запэўніў у тым, што прыхаджане будуць старацца падтрымліваць яднанне ўсіх працэсаў, каб захаваць мір на зямлі. "Ужо занадта блізка мы падышлі да гэтай небяспечнай рысы", — сказаў Аляксандр Лукашэнка.

Кіраўнік дзяржавы таксама адзначыў, што прыезд патрыярха Кірыла ў Беларусь вельмі актуальны. "Ну, напэўна, так Госпадам прадвызначана, у нейкія моманты — ну не тое, што небяспечныя, сур'ёзныя моманты — мы апынаемся ў Мінску — і палітыкі, і духавенства. Я гэта вельмі цаню, і гэта нас да многага абавязвае. І, уладыка, мы справімся з гэтым", — запэўніў Прэзідэнт.

У сваю чаргу Патрыярх Кірыл адзначыў, што кожны раз, калі ён наведвае Беларусь, у яго добры настрой. Ён таксама пацвердзіў, што з Беларуссю ў яго звязана вялікая частка жыцця нягледзячы на тое, што тут не жыў, а толькі перамяшчаўся транзітам. Патрыярх распавёў Прэзідэнту, што можа параўнаць Беларусь сёння і Беларусь 90-х гадоў мінулага стагоддзя.

Перамены велізарныя — так лаканічна патрыярх Кірыл апісаў тое, што адбываецца ў нашай краіне. На яго думку, гледзячы на чыстыя і прасторныя вуліцы Мінска, разумееш, што Прэзідэнт і ўлада звяртаюць увагу на якасць жыцця людзей.

Ён таксама дадаў, што сёння вельмі шмат праблем, якія выцякаюць з тэхналагічнага развіцця. "Хочам мы ці не хочам, чалавечая цывілізацыя развіваецца так, што з-за грэшнага імкнення павялічваць спажыванне кожным чалавекам — а гэта імкненне грэшнае — вельмі моцна развіваецца прамысловасць, адсюль забруджванне асяроддзя. І многае такое, што наносіць шкоду чалавеку. Вось таму, вядома, клопат улады аб навакольным асяроддзі, культурным асяроддзі, аб духоўным асяроддзі сведчыць аб тым, што самыя галоўныя стратэгічныя мэты і задачы, ад якіх рэальна залежыць будучыня чалавецтва, знаходзяцца ва ўвазе ўлады", — адзначыў ён.

Таксама патрыярх падзякаваў кіраўніку дзяржавы за стаўленне да Беларускай праваслаўнай царквы. Ён дадаў, што якасць жыцця чалавека і вызначае поспех дзейнасці палітыка. І гэта не толькі ўзровень зарплаты, але і ўсё тое, што акружае людзей.

Уладзіслаў ЛУКАШЭВІЧ

Выбар рэдакцыі

Грамадства

Як задаволіць кадравы голад у сферы ІТ?

Як задаволіць кадравы голад у сферы ІТ?

Работадаўцы кажуць, што быць добрым праграмістам і ўмець пісаць код для эфектыўнай работы ўжо недастаткова.

Культура

Балельшчыкі II Еўрапейскіх гульняў ужо рэзервуюць вясковыя гатэлі

Балельшчыкі II Еўрапейскіх гульняў ужо рэзервуюць вясковыя гатэлі

«Адышоў час, калі гасцям патрэбныя былі толькі «чарка і скварка», ім ужо цікавыя музеі, культурная праграма».

Грамадства

Як працуюць сапёры?

Як працуюць сапёры?

Больш за ўсё «сюрпрызаў» з часоў Вялікай Айчыннай вайны было знойдзена ў Докшыцкім, Талачынскім, Асіповіцкім і Лагойскім раёнах.